Залбирч сурах нь: Гурван асуудлыг шийдвэрлэснээр бид хэрхэн залбирахыг сурдаг

  Христэд итгэгч бидний хувьд залбирал бол өдөр тутмын амьдралын маань салшгүй нэг хэсэг бөгөөд Бурхантай ойртох хамгийн дөт арга зам юм. Залбирлыг маань Эзэн сонсох байх гэж бид бүгд найддаг хэдий ч ихэнхдээ Бурханы хариуг хүлээн авдаггүй, Түүнийг дэргэдээ мэдэрдэггүй бөгөөд яах учраа олохоо байдаг: Яагаад ингэнэ вэ? Яагаад Бурхан залбирлыг маань сонсохгүй байна вэ? Ямар төрлийн залбирал нь Бурханы хүсэлтэй нийцдэг юм бэ? Өнөөдөр энэ талаар нөхөрлөл хийцгээе, энэ гурван асуудлыг шийдвэрлэснээр залбирлыг маань Бурхан сонсож болох юм.

Бурханы удирдамж надад ажлын байрны уруу таталтыг даван гарах боломж олгосон юм (I)

    Төгс Хүчит Бурхан ингэж хэлдэг, “Хүмүүс дэлхий ертөнцийг харах үедээ зүрх сэтгэл нь татагдаж, олон хүмүүс өөрсдийгөө үүнээс чөлөөлж чаддаггүй; заль мэх, хар шидээр оролддог хүмүүст асар олон тооны хүмүүс мэхлэгдэх болно. Хэрвээ чи ахиц гаргахаар мэрийхгүй, туйлын хүслэнгүй бол энэхүү нүгэлт давалгаанд хамагдан одох болно” (Үг нь махбодоор илэрсэн номын “Хэрэгжүүлэлт (2)”-оос). Мөнгө, нэр алдар, байр суурь, эрх мэдэл, садар самуун гэх мэт элдэв янзын уруу таталтаар дүүрэн, зугаа цэнгэлд дуртай энэхүү ертөнцийн муу муухайг Төгс Хүчит Бурханы үг ил болгодог. Эдгээр уруу таталт нь “сайхан урхи” болох намуу цэцэгтэй адил төдийгүй хүмүүсийг уруу татаж, завхруулдаг Сатаны аргачлал, арга барил билээ. Ихэнх хүн Сатаны заль мэхийг ойлгож, энэхүү уруу таталтаас мултарч чадалгүй эдгээр урхинд унаж, тийнхүү нүгэл болон доройтолд амьдарч, Сатаны гарт эцэс төгсгөлгүй зовж, завхарч байдаг. Би өөрийнхөө туршлагыг эргэн санасан ба Бурханы хамгаалалт болон Түүний үгийн удирдамж байгаагүй бол би ч бас энэхүү “сайхан урхинд” унаад, ангижрах аргагүй байх байсан гэдгээ мэддэг юм…

Бурханы удирдамж надад ажлын байрны уруу таталтыг даван гарах боломж олгосон юм (II)

  Би өмнө нь амьдарч байсан жирийн амьдралдаа эргэн орж чадна гэж бодож байлаа. Жан гуай хүсэл тачаалаар уруу татах оролдлого нь бүтэлгүйтсэний дараа ашиг тусаар уруу татах гэж оролдоно гэж би бодоогүй байсан юм…

Христэд итгэгч, хамтрагчтайгаа хэрхэн ажлын сайн харилцаа тогтоосон тухай

                                                                        Жианьшинь, Малайз 

   Өөрийнхөө ашиг сонирхлын төлөө Ханнатай хэрэлдэж, муудалцсан минь “Хүн бүхэн өөрийхөө төлөө байдаг ба би үхэхээр чи үх” болон “Газар нутгийн ямх бүрийн төлөө тэмцэж,чадах бүхнээ эзэлж ав” зэрэг санааны сатанлаг хороор амьдарч байснаас үүдэлтэй гэдгийг би Бурханы үгийн уншлага болон эгчийнхээ нөхөрлөлөөр дамжуулан ойлголоо. Эдгээр сатанлаг хороор удирдуулан, бусадтай харьцах харьцаа минь бүгд “өөрийнхөө төлөө, ашиг сонирхлынхоо төлөө” гэх зарчимд захирагддаг байв. Би юу ч хийлээ гэсэн үргэлж өөрийнхөө ашиг сонирхлыг хамгаалах гэж оролддог байлаа. Өчүүхэн ч алдагдал хүлээхийг хүсдэггүй байсан минь намайг аминчхан, жигшүүртэй, өөрийнхөө ашиг сонирхлыг л ахиулах сонирхолтой, доромжлол, зөрчил бүрээс болж ана манаа үзэхэд бэлэн байдаг болгожээ. Ханна анх дэлгүүрт ирэхдээ ажлаа мэддэггүй, нийт борлуулалт нь минийхээс доогуур, бас үйлчлүүлэгчдийг маань хулгайлдаггүй байсан тул бид хоёр хэвийн байдлаар эвтэй байж, би ч Ханнад зааж сурган, туслахын тулд чадах бүхнээ хийдэг байсан юм. Гэвч Ханнагийн нийт борлуулалт нь минийхийг давснаас хойш, ялангуяа миний үйлчлүүлэгчдийг хүлээн авч, ашиг сонирхолд минь заналхийлж эхэлснийх нь дараа би түүнд атаархаж эхэлсэн билээ. Энэ нь надад шударга бус санагдаж, түүний эсрэг атгаг сэжиг өвөрлөж эхэлсэн. Дараа нь түүнд асуудал гараад над дээр ирэхэд нь тэрхүү мэдлэгийг ашиглаад илүү олон үйлчлүүлэгчийг минь хулгайлах вий гэж айсандаа би хариулахыг хүсээгүй. Эцэстээ би өөрийнхөө борлуулалтын дүнг сайжруулахын тулд түүнтэй байгуулсан урьдын нөхөрлөлөө бүрмөсөн үл хэрэгсэж, үйлчлүүлэгчийг нь хулгайлж эхлэн, түүнд туслахаас татгалзаж, улмаар харилцаагаа бүрэн тасалж, хоёр биеэ шаналал, түгшүүр дунд амьдрахад хүргэсэн юм. Ханна дэлгүүрт ажиллахаар дөнгөж ирээд, бараг бүх зүйлийг мэдэхгүй байхад нь яаж ч бодсон би туслах ёстой байтал өөрийнхөө ашиг сонирхол болон надаас сайн ажиллалаа гэх атаархлаасаа үүдэн түүнийг бэрхшээлтэй тулгараад байхад нь туслахаас татгалзаж, тэр ч бүү хэл үйлчлүүлэгчдийг нь хулгайлахаар оролдсон. Өөрийн минь ашиг сонирхол оюун санааг минь бүрэн эзэмдсэн байжээ. Би үнэхээр хэтэрхий аминчхан, жигшүүртэй байж! Үүнийг ухаарах үедээ би, Сатан намайг хэтэрхий гүн гүнзгий завхруулсан ба надад өчүүхэн төдий ч хүн чанар байхгүй, мөн жаахан ч гэсэн мөс чанар, эрүүл ухаан байхгүй гэдгийг олж харлаа. Үүний зэрэгцээ би удирдамжийнх нь төлөө зүрх сэтгэлийнхээ угаас Бурханд талархав. Энэхүү орчны илчилсэн зүйлээр л дамжуулан би өөрийнхөө аминчхан, жигшүүртэй сатанлаг уг чанарыг жаахан ойлгож, эдгээр сатанлаг хорын дагуу амьдрах нь намайг улам бүр завхруулж, ашиг сонирхлынхоо өчүүхэн хэсэг болгоны төлөө хэрэлдэхэд хүргэн, хүмүүстэй хэвийн харилцаатай байх боломжгүй болгоно гэдгийг мэдэж чадсан юм. Би эдгээр зүйлийг ойлгох үедээ, цаашид эдгээр сатанлаг үзлээр амьдарч, үргэлж хувийн ашиг сонирхлоо бодолцдог байхаа болино. Би үнэнийг эрж хайн, эдгээр сатанлаг зан чанараас ангижирч, хэвийн хүн чанарыг амьдран харуулах болно хэмээн чимээгүйхэн тангараг өргөлөө.

  Дараа өдөр нь би дэлгүүр дээр ирэх үедээ Ханнаг хараад сайн уу гэж хэлэхийг үнэхээр их хүсэв. Гэвч урьд нь миний ажлыг булаасан гэдгийг нь бодохоор мэндлэх хүсэл бүрэн унтарч, аман дээр гарч ирсэн үгээ хэлж чадсангүй. Өөр лүү нь харахад Ханна намайг хараагүй царайлж, харин өмнөө байгаа ажлаа хийлээ. Ханна бид хоёр хоёулаа өөрсдийн ажил гээд завгүй, бие биеэ үл ойшоон тэр өдрийг ийнхүү өнгөрүүлсэн юм. Дэлгүүр тэр аяараа эвгүй байдлын мананд хучигдсан мэт байв. Ийм орчинд байх нь надад маш тавгүй санагдаж байлаа. Би Ханнад эелдэг хандахыг хүссэн боловч яаж тэгэхээ мэдэхгүй байв. Иймээс би Бурханд залбирч, үнэнийг хэрэгжүүлэн, өөрийгөө орхиж, хэвийн хүн чанарыг амьдран харуулахад Түүний удирдамжийг хүслээ.

   Нэг өдөр дэлгүүрт ээж хүү хоёр ирлээ. Ханна хүүд нь үйлчлэх зуур би ээжтэй нь ямар төрлийн багц утсанд нь тохиромжтой талаар ярилцав. Ханна үүнийг анзаарч, удалгүй ярианд оролцлоо. Би дотроо, “Энэ борлуулалт минийх болох ёстой. Урьд нь би чиний үйлчлүүлэгчдэд үйлчлээд, тэр борлуулалтыг чинийх хэвээр үлдээсэн, тэгэхээр энэ борлуулалтыг минийх гэж бичих нь хэтэрсэн хүсэлт биш” гэж бодов. Ханнад яг ингэж хэлэх гэж байхдаа би өөрийнхөө ашиг сонирхлын төлөө тэмцэж байгаагаа гэнэт ухаарсан тул Бурханд түргэхэн ингэж залбирав, “Бурхан минь, би дахин ийм аминчхан баймааргүй байна. Өөрөөсөө урваж, ашиг сонирхлоо орхимоор байна.” Залбирал намайг Бурханд ойртуулж, сэтгэл минь маш их хөдлөв. Энэ борлуулалт минийх биш боллоо ч гэсэн би аминч байдлынхаа завхарсан зан чанарын дагуу амьдралгүй Бурханы шаардлагын дагуу үнэнийг хэрэгжүүлж, чөлөөлөлт, эрх чөлөө, аюулгүй байдал, амар амгаланг зүрх сэтгэлдээ олж чадна гэж бодлоо. Энэ чинь илүү үнэ цэнтэй бус уу? Иймээс би энэ үйлчлүүлэгчийг Ханнад өгөв.

  Хэсэг хугацааны дараа өөр үйлчлүүлэгчид үйлчилж байхад минь Ханна үйлчлүүлэгчдийг худалдан авалт хийлгэхээр ятгахад надад идэвхтэйгээр тусалсан юм. Үүнийг хараад сэтгэл минь ихэд хөдөлж, зүрх сэтгэлдээ би инээмсэглэлээ. Тэр орой тооцоо хийх цаг болоход минийх нэг л биш байгааг би анзаарав. Ханна надад бэрхшээл тулгарсныг хараад, шалтгааныг нь олоход надад туслахаар сайн дураараа ирэв. Бид хоёрын харилцаа сайжирсан нь тэр мөчид надад мэдрэгдсэн бөгөөд дэлгүүрийн уур амьсгал ч ихээхэн уужирлаа. Энэ нь үнэнийг хэрэгжүүлсний дүн байсан тул би ялангуяа баяртай байсан юм.

   Нүд ирмэхийн зуур Ханнагийн ажлын сүүлийн өдөр боллоо. Урьд нь Ханна дугаарыг нь мартчихсан байсан үйлчлүүлэгч дэлгүүрт эргэн ирээд, тэр дугаарыг нь сэргээсэн эсэхийг асуув. Ханна тэр мөчид эзгүй байсан учраас би дотроо, “Энэ үйлчлүүлэгчид би үйлчлэх хэрэгтэй юу, эсвэл Ханнаг эргэж ирээд үйлчлэхийг нь хүлээх үү? Энэ үйлчлүүлэгчийг би хулгайлах хэрэгтэй юу?” гэж бодлоо. Эргэлзэх зуураа би Бурханы үгийн нэг хэсгийг гэнэт санав, “Хүмүүст тохиолддог бүхэн нь Бурханы төлөөх гэрчлэлдээ хүмүүс бат зогсох хэрэгтэй байдаг үе юм. Одоохондоо чамд ямар ч томоохон зүйл тохиолдоогүй ба чи агуу гэрчлэл хийдэггүй боловч өдөр тутмын амьдралын чинь нарийн ширийн болгон Бурханы гэрчлэлтэй хамаатай байдаг. Хэрвээ чи ах эгч нарынхаа, гэр бүлийн гишүүдийнхээ болон эргэн тойронд чинь байгаа хүн бүхний бахдал бишрэлийг олж авч чадвал; хэрвээ нэгэн өдөр үл итгэгч ирээд хийдэг бүхнийг чинь биширч, Бурханы хийдэг бүхэн гайхалтай гэдгийг харвал чи гэрчлэл хийсэн байх болно” (“Бурханыг хайрлах нь л үнэхээр Бурханд итгэх явдал юм”-аас).

   Хэчнээн том ч бай, жижиг ч бай, өдөр бүр бидэнд тохиолддог бүх зүйл дээр бид үргэлж Бурханы талд зогсож, үнэнийг хэрэгжүүлэн, хэвийн хүн чанарыг амьдран харуулж, өөрсдийнхөө бодит байдлыг амьдран харуулдаг арга замыг ашиглан Бурханыг алдаршуулан, гэрчлэх ёстой гэдгийг Бурханы үгээс олсон гэгээрэл минь надад ухаарууллаа. Мөн, Бурхан надад эдгээр нөхцөл байдлыг ирүүлсэн нь “Хүн бүхэн өөрийхөө төлөө байдаг ба би үхэхээр чи үх” гэх мэт сатанлаг хороор амьдарч, өөрийнхөө ашиг сонирхлыг хамгаалахаар явдаг уу, эсвэл Бурханы үгийн дагуу үнэнийг хэрэгжүүлж, хэвийн хүн чанарыг амьдран харуулдаг уу гэдгийг минь харахын тулд Бурханы намайг шинжих шинжилгээ байсан юм. Ханнагийн эзгүй байгааг далимдуулан үйлчлүүлэгчийг нь хулгайлах тухай дөнгөж сая ил болгосон санаа, бодлоо тунгаагаад би, үнэхээр аминчхан, жигшүүртэй гэдгээ, мөн ашиг сонирхлынхоо төлөө тэмцэхийг хүссэн хэвээр гэдгээ олж харлаа. Үгүй ээ! Би өөрийнхөө аминчхан уг чанараас урваж, Бурханы шаарддаг эрүүл ухаан, зан араншинтай хүн байж, Сатаныг шившиглэх учиртай. Үүнийг ухаараад би зүгээр л үйлчлүүлэгчийн утасны дугаарыг асуусан бөгөөд Ханнаг эргээд ирэхээр нь үйлчлүүлэгчийн дугаарыг өглөө.

   Ажил тарах үед Ханна санаачилга гарган, урьд нь хийсэн ямарваа буруу зүйлдээ надаас уучлал гуйлаа. Би энэ боломжийг нь ашиглан түүнд сэтгэлээ нээж, мэдэрч явсан зүйлээ хэлсэн бөгөөд дараа нь бид хоёр тэврэлдээд, баяртай гэж хэлцгээв. Би Бурханд маш их талархсан юм, учир нь Бурханы үгээс олсон Бурханы удирдамж, гэгээрэл минь бидэнд хоорондох маргаанаа шийдвэрлэх боломжийг олгосон билээ.

  Гэртээ харих замдаа би, энэ хугацаанд Ханнатай харилцсан бүх харилцаагаа болон энэ үйл явцаар дамжуулан ойлгож авсан үнэнээ эргэн бодоод, сэтгэл минь маш их хөдлөв. Бурханы ажил маш бодитой болохыг би олж харлаа. Бурхан миний эргэн тойрон дахь орчин, хүмүүс, юмс, зүйлсийг ашиглан сатанлаг уг чанарыг минь илчилдэг бөгөөд Өөрийн үгийн шүүлт, илчлэлийг ашиглан завхарсан зан чанарыг минь ойлгуулж, хэрэгжүүлэх зам өгч, жаахан хэвийн хүн чанарыг амьдран харуулах боломжийг надад олгодог. Энэ нь бүгд Бурханы надад зориулсан бодитой, жинхэнэ аврал байсан юм! Бурханд талархъя! Ирээдүйд би, надад зориулан Бурханы зохицуулсан орчныг туулж, мэдрэхийн тулд амиа мөс чанартайгаар ашиглаж, тэдгээрээс завхарсан зан чанараа эргэцүүлэн, ойлгож, тэдгээрийг шийдвэрлэхийн тулд үнэнийг эрж хайж, нэг л өдөр зан чанарын өөрчлөлтөд хүрч, хэвийн хүн чанарыг амьдран харуулж, Бурханы зүрх сэтгэлийг тайтгаруулна гэж найдаж байна!

Христэд итгэгч, хамтрагчтайгаа хэрхэн ажлын сайн харилцаа тогтоосон тухай

                                                                  Жианьшинь, Малайз

  Редакторын үг: Ашиг сонирхол хөндөгдсөн үед хүмүүсийн хооронд нөхөрлөл гэж байдаггүй хэмээн хүмүүс үргэлж хэлдэг. Энэ ч үнэн. Хувийн ашиг сонирхол бүхнээс түрүүнд тавигддаг орчин үеийн нийгэмд өөрсдийнхөө ашиг сонирхлын өмнө гэр бүлийн холбоо, нөхөрлөл, хайрыг хадгалах хэцүү юм. Өөрийн ашиг сонирхлыг бодолцсоноос үүдэн юугаа ч ярьж болдог найзтайгаа харилцах харилцаа нь муудсан Жианьшинь эгчийн хувьд ч гэсэн ийм байлаа. Гэвч дараа нь Жианьшинь найзтайгаа маргаанаа шийдвэрлэж, урьдынх шигээ эвтэй болж чадсан юм. Жианьшинь яаж ингэсэн бэ? Түүний туршлагын талаар уншицгаая.

   Би харилцаа холбооны барааны дэлгүүрт худалдагчаар ажилладаг бөгөөд гар утсанд зориулсан сүлжээний туслах хэрэгслийн багцыг голлон худалддаг. Өөрийгөө би хэнтэй ч эвтэй байж чадах өгөөмөр, уужим сэтгэлтэй хүн гэж үргэлж бодсоор ирсэн юм. Нэг удаа цуглаан дээр нэг эгч надаас ашиг сонирхлоосоо болж ажил дээрээ хамтрагчидтайгаа маргаж үзсэн эсэхийг минь асуухад би бодож үзэлгүй, “Үгүй ээ! Үйлчлүүлэгч дэлгүүрт орж ирээд хэн рүү очно, тэр хүн нь хүлээж авдаг юм. Бид энэ талаар хэзээ ч маргадаггүй, тэгээд ч би өөрийнхөө л ашиг сонирхлыг анхаарч, өөрийгөө бусдаас дээгүүрт тавьдаг хүн биш” гэж өөртөө итгэлтэйгээр хэлсэн санагдаж байна. Ингэж хэлснээс хойш удалгүй, өөрийн минь талаарх үнэлэлтийг орвонгоор нь эргүүлсэн хэд хэдэн зүйл хамтрагч бид хоёрын хооронд ар араасаа тохиолдоно гэж би санаагүй юм.

   Хэсэг хугацааны өмнө манай дэлгүүр ердийнхөөсөө завгүй болсон бөгөөд байнгын ажилчид зохицуулахад хэтэрхий их хөл хөдөлгөөнтэй байгааг дарга маань хараад Ханна гэх түр ажилтан авсан юм. Ханна сэргэлэн, яриасаг байв. Ханнаг ажилд нь дадлагажуулахыг дарга маань надаас хүсэж, би ч баяртайгаар зөвшөөрөв. Дараа нь би Ханнад ажлын нарийн ширийний талаар маш нухацтай зааж, үйлчлүүлэгч хүлээн авах үед нь хэрхэн харьцахыг бас сургалаа. Удалгүй Ханна үндсэн зүйлсээ мэддэг боллоо. Тэгээд надад маш их талархан, удалгүй бид хоёр юуны ч талаар ярилцаж чаддаг сайн найзууд болсон юм.

    Ханна эрс хурдан ахиц гарган, удалгүй бараг худалдаа болгоныг амжилттай дуусгаж байв. Удалгүй Ханнагийн борлуулалт минийхээс давж, надад бага зэрэг тавгүй санагдаж эхэллээ.

   Нэг өдөр Ханнаг өөр нэг ажилтантай хамт гадагшаа гарсан хооронд дэлгүүрт нэг хос орж ирсэн бөгөөд би тэднийг хүлээж авав. Би гар утсанд нь тохирох багц олоход нөхөрт нь туслаад, эхнэрт нь бусад саналуудынхаа талаар хэллээ. Тэр үед Ханна буцаж ирэв. Ханна үйлчлүүлэгчийн маань эхнэрийг хариуцан авсан бөгөөд өөр нэг ажилтан борлуулалт хийхэд нь түүнд тусаллаа. Тун удахгүй худалдаа хийгдэж дуусав. Үүнийг хараад би маш их уурлан, “Наадах чинь анх миний үйлчлүүлэгч байсан, гэтэл чи хулгайлчихлаа. Энэ чинь ямар ч ёс зүйгүй, ёстой хэрээс хэтэрсэн явдал! Үгүй ээ, би энийг ердөө зүгээр өнгөрөөж чадахгүй. Би үйлчлүүлэгчээ буцааж авахдаа л авна!” гэж бодов. Борлуулалтаас болж үйлчлүүлэгчийн өмнө маргахаас би хэтэрхий ичсэн тул уураа барьсан боловч Ханнагийн эсрэг атгаг сэжиг төрлөө. Тухайн сард миний борлуулалтын хэмжээ түүнийхээс хамаагүй бага байсан юм. Би сэтгэл дундуурхан ингэж бодлоо, “Минийх байх ёстой байсан борлуулалтыг алдаагүй сэн бол нийт борлуулалт минь ийм бага байхгүй л байсан юм. Үйлчлүүлэгчдээсээ дахин хэзээ ч Ханнад хулгайлуулахгүй дээ!”

    Үүний дараа би үйлчлүүлэгч татахын тулд дэлгүүрийн гадаа өдөр бүр сурталчилгаа тараадаг болов. Ханна аваад явчих вий гэж айсандаа би дэлгүүрт үйлчлүүлэгч орж ирэхийг хармагцаа даруйхан мэндчилдэг байлаа. Ханнагийн тухайд урьдынх шигээ урам зоригтой байхаа больж, надаас асуулт асуухад нь хариулчихвал түүний гүйцэтгэл сайжирч, надад муугаар нөлөөлнө гэж айсандаа барагтай бол хариулахгүй, өөрийнхөө борлуулалтад л анхаарч байв. Хэсэг хугацааны дараа миний борлуулалтын хэмжээ сайжирч, би үүнд баяртай байсан бөгөөд Ханна бид хоёрын харилцаа маш хүйтэн хөндий болсон юм. Үүнээс хойш төд удалгүй бид хоёрын харилцааг бүр ч муутгасан нэг зүйл болсон билээ…

   Нэг өдөр намайг Ханнатай цуг ажиллаж байхад нэг эмэгтэй үйлчлүүлэгч дэлгүүрт орж ирлээ. Түүнийг хүлээн авахаар очоод, хугацаа нь дууссан дугаараа дахин идэвхжүүлэхийг хүссэн болохыг нь олж мэдэв. Түүний дугаар болон хувийн мэдээллийг нь асуугаад, цааш нь яг үргэлжлүүлэн үйлчлэх гэж байхад Ханна энэ үйлчлүүлэгчид өмнө нь үйлчилж байсан гэлээ. Би уурсан, “Чиний үйлчлүүлэгч юм бол чам руу шууд очих ёстой байсан юм. Урьд нь чи миний үйлчлүүлэгчийг хулгайлсан юм чинь одоо энэ чиний үйлчлүүлэгчийг хулгайлсанд тооцогдлоо ч гэсэн шударга л хэрэг. Би чамд яаж үйлчлүүлэгчээ зүгээр өгч чадах юм бэ?” гэж бодов. Түүнтэй яг маргах талаар бодож байтал хэд хэдэн үйлчлүүлэгч нэмж орж ирлээ. Би явж шинэ үйлчлүүлэгчдийг хүлээж авахаас өөр арга байсангүй. Намайг дөнгөж дууссаны дараа Ханна ирээд, эмэгтэй үйлчлүүлэгчийнхээ утасны дугаарыг асуухаа мартсан гэж хэллээ. Би бүдүүлгээр, “Чиний үйлчлүүлэгч биз дээ, яагаад надаас асуугаад байгаа юм бэ?” гэж хэлэв. Тэр гунигтайгаар, “Зүгээр л асуусан юм. Чамд байхгүй бол яах вэ” гэлээ. Би цааш уураа барьж дийлсэнгүй. Түүнд дэлбэртлээ уурлан, “Чиний үйлчлүүлэгч юм чинь, чи үйлчлүүлэгчээсээ асуух хэрэгтэй шүү дээ!” гэлээ. Тэр сул дорой харагдахыг хүсэлгүй, яг л адилхан ууртайгаар, “Миний үйлчлүүлэгч юм чинь чамд би үйлчлүүлэгчээ алдахгүй!” гэв. Би маш их уурлалаа. Урьд нь миний үйлчлүүлэгчдийг хулгайлахын тулд хийсэн бүх зүйлийнх нь талаар хэлж, ёс зүйгүй ааш авирынх нь талаар хамтран ажиллагсдадаа мэдэгдэж, цаашид түүнээс зайгаа барихыг анхааруулмаар байлаа. Гэвч намайг үг хэлж амжихаас өмнө Ханна, “Би чамтай яримааргүй байна” гэж тэвчээр алдан хэллээ. Тэгээд яваад өгөв. Түүнийг яваад өгөхийг хараад би маш их уурлалаа. Ханна талархах сэтгэлгүй, ухаангүй юм гэж надад санагдав. Урьд нь би түүнд маш их тусалсан байтал надад ингэж хандаж байдаг. Би түүнийг тоохоо болихоор шийдлээ.

    Ажлын дараа Ханна бид хоёр “баяртай” ч гэцгээлгүй харьцгаав. Гэртээ харих замдаа би өдөр юу болсон талаар бодлоо. Надад тун золгүй, шаналгаатай санагдаж, “Бид хоёрын харилцаа яаж ийм жаахан зүйлээс болж ингэтлээ муудчихав аа? Би асар их завхрал илчиллээ, миний авирласан байдал Христэд итгэгчийн ааш авирт тавьдаг Бурханы шаардлагад нийцэхгүй” гэж бодохоос өөр аргагүй байв. Тэр орой ах эгч нартайгаа хийсэн цуглаан дээр би энэ бүх зүйлийг тайлбарласан бөгөөд нэг эгч надад Бурханы үгийн хэсгийг харуулав, “Харгис, балмад хүн төрөлхтөн! Хуйвалдаан, далд явуулга, нэг нэгнийхээ эсрэг сөргөлдөөн, нэр хүнд, эд баялгийн төлөөх тэмцэл, харилцан аллага хядлага—энэ хэзээ төгсөх вэ? … Өөрсдийн ашиг сонирхлын төлөө явдаггүй хүн хэд байдаг вэ? Өөрсдийн байр суурийг хадгалахын тулд бусдыг дарлаж, ялгаварладаггүй хүн хэд байдаг вэ?” (“Хорон муу хүмүүс гарцаагүй шийтгүүлнэ”-оос).

    Дараа нь эгч ийнхүү нөхөрлөлөө, “Сатан завхруулсны дараах хүн төрөлхтний байдлыг Бурханы үг илчилдэг. Сатан биднийг завхруулсны дараа ашиг сонирхол гэх санаа бидний оюун ухаанд эн тэргүүнд байдаг. Бид хэлж, хийдэг бүхэндээ өөрсдийн ашиг сонирхлыг ахиулж, хамгаалахаар мэрийж, тэр ч бүү хэл үүнийхээ төлөө өөр хоорондоо тэмцэж, тулалдаж, хулгай хийлцдэг. Эрт цагаас хойш хаадаас эхлээд эгэл ард, төрөл төрөгсөд, найз нөхөд, хамтран зүтгэгчид хүртэлх хүн бүр хэдэн ч настай бай, ямар ч салбарт бай ашиг сонирхол хөндөгдөөгүй үед амар амгалан, нөхөрсгөөр эв найртай байж чаддаг. Гэвч хувийн ашиг сонирхол маань хөндөгдмөгц бид орвонгоороо эргэн, хайр найргүй болж, бүр эцэг хөвгүүд тулалдан, өстнүүд болохдоо тулдаг. Ашиг сонирхол маань хөндөгдсөн үед бид хүн чанар, эрүүл ухаанаа бүрэн алддаг гэдгийг эндээс харж болно. Хувийн ашиг сонирхлынхоо төлөө бид мөс чанар, ёс суртахуунаас маань гажсан зүйлс хийж чаддаг бөгөөд анх байсан ямар ч нөхөрлөлийг мартан, хэвийн хүн чанараа алддаг. Эдгээр нь Сатан биднийг завхруулсны үр дүн юм.”

   Үүнийг сонсоод би эргэн санаж, өөрийн минь ашиг сонирхол бол Ханнагийн эсрэг арга заль сэдэж, Ханнатай муудалцаж байсан яг тэр шалтгаан мөн гэдгийг ухаарлаа. Ханна үйлчлүүлэгчдийг маань авах үед борлуулалт минь буурч, миний санааг маш их зовоосон юм. Би хэд хэдэн удаа Ханнатай маргахыг хүсэж, бүр өөрийнхөө гүйцэтгэлийг сайжруулахын тулд түүнээс үйлчлүүлэгчийг нь хулгайлахыг ч хүссэн. Ашиг сонирхлынхоо төлөө би урьдын нөхөрлөлөө үл хайхарч, Ханнатай улайм цайм үзэлцэж, бас сэм хуйвалдацгаан, хариутай бол бариутай гэх хэрүүлээ эхэлсэн. Би Христэд итгэгч маягаар огт аашлаагүй. Үүнийг ухаараад надад таагүй санагдахаас өөр аргагүй байв. Өөрийн ашиг сонирхлоос болж хамтрагчидтайгаа хэзээ ч муудалцаж байгаагүй гэж ил тод зарласан маань бодогдлоо, гэвч Бурханы үгэн дэх илчлэлийг харж, баримтуудаар надад юу ил болсныг хараад би ч бас ашиг сонирхлыг бусад бүх зүйлээс түрүүнд тавьдаг гэдгээ ойлгов. Би бусдаас дээр гарах юмгүй байв. Тэгээд надад маш их ичгүүртэй санагдлаа.

   Дараа нь манай эгч надад Бурханы үгийн өөр нэгэн хэсгийг уншиж өглөө, “Урьд нь, Бурханы үг хүмүүсийн амь болоогүй байхад Сатаны уг чанар тэднийг хянаж, дотроос нь ноёлж байсан. Тэрхүү уг чанар дотор ямар тодорхой зүйлс байсан бэ? Жишээлбэл, чи яагаад хувиа хичээдэг вэ? … ‘Хүн бүр өөрийнхөө төлөө байдаг ба би үхэхээр чи үх’ гэж хариулна. Энэ нэг хэллэг асуудлын уг сурвалжийг илэрхийлдэг: Сатаны логик хүмүүсийн амь болсон ба тэд юу ч хийсэн, энэ нь ямар нэг зорилгын төлөө ч бай эсвэл өөр юмны төлөө ч бай, тэд зөвхөн өөрсдийнхөө төлөө л үүнийг хийж байгаа. Хүмүүс бүгд ‘Хүн бүр өөрийнхөө төлөө байдаг ба би үхэхээр чи үх’ гэж боддог. Энэ нь хүний амь болон гүн ухаан бөгөөд бас хүний уг чанарыг төлөөлдөг. ‘Хүн бүр өөрийнхөө төлөө байдаг ба би үхэхээр чи үх’ хэмээх Сатаны энэ үг нь яг нарийндаа түүний хор бөгөөд хүн үүнийг эзэмших үед энэ нь хүний уг чанар болдог. Энэ үгээр дамжуулан Сатаны уг чанар ил болдог; энэ нь үүнийг бүрэн төлөөлдөг. Энэхүү хор хүний амь болж, оршин тогтнолынх нь суурь болдог; завхарсан хүмүүсийг энэ нь хэдэн мянган жилийн турш тогтмол ноёрхсон” (“Петрийн замаар хэрхэн явах вэ”-гээс).

Христэд итгэгчийн урам хайрласан түүх: Тоглоомын донтолтоос бүрэн ангижрах нь хэцүү асуудал байхаа болилоо

   Интернет тоглоом тоглоход өмнөхөөсөө хамаагүй бага цаг зарцуулдаг болсон хэдий ч хэтэрхий цөөн үнэнийг ойлгож байсан учраас тоглоом тоглох уруу таталтыг давж чадахгүй хэвээр байсан бөгөөд цаг зав гарах болгонд хааяа тоглосоор байлаа. Тоглож дуусах болгонд өөрийгөө зэмлэх мэдрэмж төрдөг байсан ч өөрийгөө хянаж чадахгүй хэвээр байв. Шаналсандаа би Бурханд залбирч: “Өө Бурхан минь! Интернет тоглоомд дурлах нь зөв зүйл биш, бас Таны хүсэлтэй нийцэхгүй гэдгийг би мэднэ. Гэхдээ би өөрийгөө хянаж чадахгүй, хэчнээн хүссэн ч үүнээс салж чадахгүй байна. Өө Бурхан минь! Би ийм маягаар Сатанаар тоглуулж, хорлуулахыг хүсэхгүй байна. Би Таны шаардлагын дагуу хэрэгжүүлж, Таны нягт шинжилгээг хүлээн зөвшөөрмөөр байна. Интернет тоглоомоос ангижрахад намайг залж чиглүүлэхийг Танаас гуйя” гэлээ.

  Дараа нь Бурханы эдгээр үгийг уншлаа: “Диавол Сатан хүмүүсийг хуурч, тэднийг доройтуулахын тулд эдгээр зүйлийг хийдэг. Виртуал ертөнцөд амьдардаг хүмүүсийн хувьд хэвийн хүн чанарын амьдралтай холбоотой юуг ч огт сонирхдоггүй; тэд ажиллах ч хүсэлгүй, сурах ч хүсэлгүй байдаг. Тэд ямар нэгэн зүйлд уруу татагдсан мэт, виртуал ертөнцөд анхаарлаа хандуулдаг… Уйдаж байгаа үедээ, хийсэн юмгүй үедээ, бодит ажилтай байх үедээ, ажил хийх, эрдэм сурах, зэргийг зөвхөн тоглоомоор орлуулахыг хүсдэг. Тоглоом тоглох нь, аажмаар тэдний, бүхий л амьдрал болдог. Тоглоом тоглох нь, мансууруулах бодис хэрэглэхтэй адилхан. Хүн тоглоом тоглож, тоглоомондоо ормогц, гарч чадахгүй болж, донтож эхлэдэг. Ийм учраас, залуу хүмүүс, эсвэл настай хүмүүс, ийм муу зуршилтай болох юм бол, хаяж чадахгүй болдог… Тоглох нь, хэвийн хүмүүсийн хийх ёстой зүйл мөн үү? Хэрвээ, тоглоом тоглох нь хүмүүст хэрэгтэй, зөв зам юм бол? хүмүүс яагаад больж чаддаггүй юм бэ? Тийм ээ. Тийм шүү. Яагаад хүмүүс тийм түвшинд хүртлээ татагддаг юм бэ? Энэ нь нэг зүйлийг баталж байна: Энэ бол сайн зам биш. Энэ тэрийг хайн, интернэтаар хэсүүчилж, тоглоом тоглох нь яавч сайн зам биш. Зөв зам биш… Дэлхий ертөнцийг таниагүй, хүн төрөлхтний ёрын муу чиг хандлагыг, таниагүй хүмүүсийг татахын тулд энэ ёрын муу ертөнц бүх төрлийн арга замыг ашигладаг. Ялангуяа ийм хүмүүсийг урхиддаг. Чи Бурханы өмнө олон ирж чаддаггүй бол, зүрх сэтгэл чинь хоосорч, уураг тархи чинь ч хоосон байна. Чи аюулд орох болно.” (“Итгэгчид эхлээд ертөнцийн ёрын муу чиг хандлагыг нэвт харах хэрэгтэй”).

   Интернет тоглоом бол хүний завхруулдаг Сатаны нэг арга гэдгийг Бурханы үгийн илчлэлээр л дамжуулан би ойлгосон юм. Нөлөөнд нь автмагцаа хүн улам бүр доройтон, гажуудаж, эцэст нь Сатанд хорлогдож, залгиулдаг. Би эдгээр тоглоомыг тун энгийнээр бодож, интернет тоглоом тоглох нь зүгээр л цаг нөхцөөж, өөрийгөө зугаацуулах арга зам; бусад нь бүгд тоглож байгаа юм чинь би ч гэсэн тоглоход асуудалгүй гэж итгэдэг байлаа. Гэвч үнэн хэрэгтээ эдгээр тоглоомын ард Сатаны зальхай явуулга байсан юм; эдгээр тоглоомын ертөнцөд хүчирхийлэл, аллага, шударга бус явдал дүүрэн байдаг бөгөөд эдгээр виртуал ертөнцөд хүн бүх хүслээ түр зуур хангаж чаддаг. Сатан биднийг ингэж уруу татаж, завхруулан, бүх төрлийн хүслээ дээд зэргээр хангах боломж олгож, биднийг эдгээр тоглоомд маш их автуулан, эдгээрээс ангижрах хүч чадалгүй болгодог. Ингээд бодохоор, би тоглоом дотроо машин бариад хаа ч хамаагүй явж өөрийгөө зугаацуулах болгондоо ихэд догдолж, асар их аз жаргал, баяр баяслыг мэдэрдэг байв; зарим тоглоом нь баатар болох хүслийг минь биелүүлж чаддаг байсан бөгөөд тулаанд дайснаа ялах бүрдээ би тоглоомч нөхдийнхөө хүндлэл, бишрэлийг хүртэн, өөрийгөө тун хүчтэй мэт санаж, асар их амжилт гаргасан мэдрэмж төрдөг байв; зарим тоглоомд гэрийн тэжээвэр амьтан худалдан авч болдог ба сайн тогловол надтай хамтрах олон эмэгтэй тоглоомчдын сэтгэлийг татдаг байлаа. Энэ нь миний хоосон санааг үнэхээр хангаж, эдгээр тоглоомыг тоглох эрч хүч маань ч улам нэмэгдсэн юм. Түүнчлэн би эдгээр тоглоомыг тоглох үедээ хаашаа ч явах хэрэггүй, ямар ч ядаргаатай ажил хийх хэрэгцээгүй, харин ч оронд нь хүссэнээрээ амьдарч, зоволгүйгээр юм бүхэнтэй болох гэсэн бид бүгдэд байдаг хүршгүй мөрөөдлийг биелүүлж чаддаг байлаа. Тиймээс бид өөрийн эрхгүй энэ бүх тоглоомд урхидуулж, эдгээрийг таашаадаг байлаа. Гэхдээ богинохон хугацааны сэтгэл ханамж, зугаа цэнгэлийн дараа зүрх сэтгэл маань хөндий хоосон, шаналантай санагддаг бөгөөд тоглоом дахь аз жаргалтай амьдралаасаа бид хагацах дургүй байдаг байсан юм. Цаг хэд ч болж байсан хамаагүй үргэлж л өнөөх виртуал ертөнцдөө автахыг хүсдэг байсан бөгөөд мултарч чадахааргүй маш гүн живээд, хичээл сурлагаа хаяж, ирээдүйгээ сүйрүүлдэг байв. Интернет тоглоом бол хүмүүсээр даажигнаж, тэднийг урхидан доройтуулж, эцэст нь хорлож, залгихын тулд диавол Сатаны ашигладаг муухан заль мэхнээс цаашгүй гэдгийг яг би тэгэхэд л нэг ойлгосон юм. Тэдгээр нь хорон муу зам, тэр чигтээ сөрөг зүйл байв. Урьд нь надад, зэвсэг болгон эзэмших Бурханы үг юм уу үнэн байгаагүй учраас Сатаны уруу таталтыг тэсвэрлэж чадаагүй юм. Иймээс Сатанд уруу татагдаж, хянуулсан бөгөөд ялихгүй таашаал эрж хайн хүчээ шавхаж, улам бүр доройтож, гажуудаж орхижээ. Би Бурханы үгэн дэх илчлэлээр дамжуулан тэдгээр тоглоомыг ялган таних чадвартай болж, тоглоом тоглохын ноцтой үр дагаврыг олж харсан бөгөөд тэдгээрээс зайлж, бүрэн орхихоор шийдсэн юм.

   Нэг өдөр, ажлын маань хүн надаас хамт тоглоом тоглооч гэж гуйн, энэ жилийн хамгийн алдартай тоглоом гэлээ. Мөн үнэхээр сайн тоглох юм бол мөнгө олж болно гэв. Ингэж хэлээд надад зургийг нь үзүүлж, бүх юмыг нь ярьж өглөө. Энэ тоглоомын тайлбарыг сонсоод сэтгэл жаахан хоёрдож, тоглож үзмээр санагдав. Гэхдээ урьд нь тоглоом тоглосноор амьдрал болон эрүүл мэндэд минь учирсан хор хохирол, тоглосны дараа мэдрэгддэг хоосрол шаналал, түүнчлэн тоглоомын тухай Бурханы үгэн дэх илчлэлийг бодохоор тоглоом тоглох нь утга учиргүй, бас энэ нь Сатанд намайг үргэлжлүүлэн хохироох боломжийг л олгохоос биш надад үнэнийг ойлгуулж, жинхэнэ хүний төрхийг амьдран харуулахад хүргэхгүй гэдгийг би ухаарсан билээ. Иймээс би хамт ажиллагчдаа: “Өмнө нь тоглоом тоглосноос болоод би ихээхэн зовсон. Бид энэ тоглоомуудыг тоглодог юм биш; харин энэ тоглоомууд биднээр тоглодог юм. Интернет тоглоом биднийг түр зуур аз жаргалтай болгож чадах ч хэт удаан хугацаанд тоглосноор улам бүр доройтохоос өөр аргагүй, бас энэ нь бидний зүрх сэтгэл, оюун ухаанд ямар ч ашиг тусгүй. Би тоглоом тоглохоо больсон” гэж хэллээ. Хамт ажиллагч маань миний чин үнэнч хандлагыг хараад интернет тоглоом тоглоё гэж дахин уруу татаагүй юм. Би Бурханд маш их талархаж байлаа, учир нь Бурханы үгээр л энэ үр дүнд хүрсэн билээ. Бурханд талархъя!

  Дараа нь би Бурханы үгийн энэхүү магтан дууг уншсан юм: “Тэд туйлын хүслэн, тэмүүлэл эсвэл урам зоригтойгоор ахин дэвших зангүй байх ёсгүй; тэд өөрсдийн хэтийн ирээдүйн талаар зориг алдрах ёсгүй, мөн амьдралд итгэл найдвараа алдаж, эсвэл ирээдүйд итгэх итгэлээ алдах ёсгүй; тэд өөрсдийн бүхий л амьдралыг Миний төлөө зориулах хүслээ биелүүлэхийн тулд одоо өөрсдийн сонгосон үнэний замаар үргэлжлүүлэх тэвчээртэй байх ёстой; тэд үнэнгүйгээр байх ёсгүй мөн тэд хуурамч дүр, шударга бус байдлыг өвөрлөх ёсгүй, харин тэд зүй зохистой байх сууринд бат зогсох учиртай. Тэд зүгээр л урсгал даган хөвөх ёсгүй, харин тэд шударга ёс болон үнэний төлөө золиослож, тэмцэж зүрхлэх цог золбоотой байх ёстой. Залуу хүмүүс харанхуйн хүчний дарангуйлалд орохгүй байж, өөрсдийн оршин тогтнолын ач холбогдлыг өөрчлөх зориг зүрхтэй байх ёстой…….” (Хургыг дагаж шинэ дуу дуулъя номын “Залуусын мөрдөх ёстой зүйл”-ээс). Бурханы үгийн энэхүү магтан дуу намайг зоригжуулж, надад тавих Бурханы шаардлага болон итгэл найдварыг ойлгуулсан юм. Би ёрын муу чиг хандлагад хууртаж, интернет тоглоомд донтож, ялихгүй таашаалын төлөө эрч хүчээ үрж, өдөржингөө мэлрэн үүлгэртэж, зүүдэлж байгаа мэт мунгинан амьдарч, зүрх сэтгэл минь хоосорч, шаналж байснаа саналаа. Би хэвийн хүнд байх ёстой амьдралыг алдаж, амьдралын зохистой зүг чиг, зорилгогүй, мөн амьдралын утга учрыг мэддэггүй байсан бөгөөд тэсэхийн аргагүй шаналалд Сатанд хүлүүлж, тоглуулан амьдарч байлаа. Би Бурханы авралд талархаж байна, учир нь Бурхан л намайг Өөрийнхөө өмнө авчирсан бөгөөд Бурханы үгэн дэх илчлэлээр дамжуулан би эдгээр тоглоомын мөн чанарыг мэдэж авч, Сатаны зальхай арга мэхийг ялган таньж чаддаг болж, хүмүүсийг хорлох, сүйтгэхийн тулд эдгээр тоглоомыг ашигладаг Сатаны жигшүүрт санаа зорилгыг нэгд нэггүй ойлгож, Сатаны заль мэх, хор хөнөөлөөс зугтаж дөнгөсөн юм. Би Сатанд хүлүүлэхээ больж, Бурханы өмнө эрх чөлөөтэй, чөлөөлөгдсөн амьдралаар амьдрах болсон билээ. Бурханы үг надад эрэлхийлэх зөв чиглэл, зорилгыг харуулсан бөгөөд Бурханд би чин үнэнчээр итгэж, Түүнийг дагахын тулд энэ цаг хугацааг шүүрэн авч, үнэнийг эрэлхийлж, үнэнч хүн байж, Бүтээгчийг сэтгэл хангалуун байлгахын тулд бүтээгдсэн зүйлийн үүргээ сайн биелүүлэх ёстойгоо мэдэж байна. Энэ л хамгийн утга учиртай амьдрал мөн!

   Одоо би эцэст нь интернет тоглоомын хүлээсээс чөлөөлөгдлөө. Би үнэнийг эрэлхийлэх, үнэнч хүн байхад өдөр бүр анхаарч, ах эгч нарынхаа хамтаар сайн мэдээ түгээн, Бурханд гэрчлэл хийж, баялаг амьдралаар амьдардаг. Зүрх сэтгэл минь амар амгалан, баяр хөөрөөр дүүрэн байгаа бөгөөд энэхүү шинэ амьдрал руу намайг хөтөлсөнд нь Бурханд талархаж байна!

Христэд итгэгчийн урам хайрласан түүх: Тоглоомын донтолтоос бүрэн ангижрах нь хэцүү асуудал байхаа болилоо

                                                      Яньинь,  Америкийн Нэгдсэн Улс 

  Техник мэргэжлийн сургуульд суралцаж байхдаа би компьютерын шинжлэх ухаанд мэргэшихээр сонгосон юм. Олон хүн интернет тоглоом тоглож байгаа тухай, тэр нь хэчнээн зугаатай, сонирхолтой болохыг, мөн тоглож чаддаггүй хүмүүс цаг үеэсээ хоцорч байгаа гэдгийг сургуульд ороод тун удалгүй ангийнхаа хүүхдээс сонслоо. Ангийнхаа хүүхдийн ингэж ярихыг сонсоод эдгээр тоглоомыг тоглох сонирхол улам нэмэгдэж, сониуч зангаар бялхсан сэтгэлээр тоглоом тоглох замнал маань эхэлсэн билээ.

  Төд удалгүй би интернет тоглоом анх удаа тоглоод, тэдгээрт эзэмдүүллээ. Яагаад гэвэл бодит амьдрал дээр хийж чадахгүй олон зүйлээ эдгээр тоглоом дээр хийж чаддаг байв. Жишээлбэл, машин жолоодож, хүссэн зүгтээ явж чаддаг байсан ба энэ нь гайхалтай санагдаж байлаа. Бас танк, хөлөг онгоц жолоодож, дайснуудтай тулалдаж болдог байсан бөгөөд ялсны дараа тун их амжилтад хүрсэн санагддаг байв. Зүгээр тоглоом тоглож байсан ч, тулаанд ялж байсан ч ихэд таашаадаг байсан юм. Тоглоом тоглохоо болих бүрдээ дайснуудаа хамгийн богино хугацаанд хэрхэн ялж, улам сайн тулааны оноо авах талаар үргэлж боддог байлаа… Ийм маягаар оюун санаа минь яваандаа бүхий л төрлийн тоглоомоор дүүрэв. Өдөр шөнөгүй тэрийгээ бодож, эдгээр тоглоомынхоо нэрийг бүр зүүдэндээ хашхирдаг байлаа.

  Нэг л мэдэхэд интернет тоглоом миний амьдралын гол сэдэв болсон бөгөөд үүнийхээ төлөө солиорч, улайрч байлаа. Компьютерын хичээлд суух болгонд багш индэр дээрээсээ ярьж, харин би доор суугаад ангийнхаа хэдэн хүүхэдтэй хамт нууцаар интернет тоглоом тоглодог байв. Би тоглоомдоо бүрэн автаад, багшийн байгааг ч бүрмөсөн мартдаг байсан юм. Багш надад хэд хэдэн анхааруулга өгсөн боловч би тоолгүй үлдэж, юу ч сонслоо гэсэн хамаагүй бахь байдгаараа л байлаа. Тоглоом шинэчлэгдэх үед би ангийнхантайгаа хамт орой хана давж, интернет кафе ороод бүхэл шөнөжин интернет тоглоомыг улайран тоглодог байв. Амьжиргааны зардалд зориулан сар бүр эцэг эхийнхээ өгдөг 300 юанийг бараг бүгдийг нь интернет тоглоом тоглоход зарцуулдаг байсан юм. Дараа нь би интернет тоглоом тоглохоор явахын тулд чөлөө авах элдэв янзын шалтаг тоочиж эхэллээ. Чөлөө өгөхгүй бол зүгээр л хичээлээ тасалдаг байсан ба даваагаас баасан гарагт өдөр бүр үүрийн 4 цаг хүртэл тоглоом тоглодог байв. Амралтын өдрүүдээр шөнөжингөө тоглодог байсан бөгөөд өдөр нь унтахгүй бол өөрийнхөө чадвар, тулааныхаа оноог яаж сайжруулах тухай боддог байсан юм. Надад суралцах ямар ч бодол байгаагүй ба дүн маань ч илт муудлаа. Заримдаа өөрийнхөө муу дүнг хараад эцэг эхдээ санаа зовж, намайг энэ сургуульд явуулахын тулд мөнгө олохоор шаргуу ажиллах нь тэдний хувьд хэчнээн хэцүү байдгийг бодон, цаг наргүй тоглоом тоглодгоосоо болж хичээл сургуулиа хаяхгүй юм шүү гэж боддог байв. Гэвч тоглоом тоглож эхэлмэгц бүх оюун ухаан маань тоглоомоо яаж сайн тоглох вэ гэдэгтээ бүрэн төвлөрч, гэмших мэдрэмж, эцэг эхээ гэх харуусал бүгд алга болдог байлаа. Би шөнө болгон тэгтлээ удаан хугацаагаар интернет кафед тоглоом тоглож, хэвшсэн дэг журамгүй, дандаа аягатай бэлэн гоймон л иддэг байсан учаас хоол тэжээлийн дутагдалд орж, цусны даралт багатай болж, эрүүл мэнд минь улам бүр муудаж байв. Нэг удаа, сургуулийн биеийн тамирын хичээл дээр тамир тэнхээ муу байснаас болж талбай дээр ухаан алдаж унах шахлаа. Тоглоом тоглох нь эрүүл мэндийг маань сүйтгэж байна, биеийн хөгжилд минь муу, бас хичээл сурлагад минь ихээхэн нөлөөлж байна гэдгийг ухаараад тоглоомоос гарч, тоглохоо болихыг хүссэн хэдий ч эдгээр тоглоомыг хэрхэн тоглох тухай ангийнхныхаа ярилцахыг сонсох бүрд хамт тоглох хүсэл маань ундарч эхлэн, удалгүй дахиад л тоглоомд оролцдог байлаа—би өөрийгөө ердөө хянаж чадахгүй байв! Иймэрхүү нөхцөлд тоглоомын донтолтоос сална гэдэг хэлэхэд амархан ч, хийхэд хэцүү байсан юм. Тиймээс арга мөхөстөн, шаналж байсан ч тоглоомоос ангижрах хүч чадал бас л байсангүй.

  Төгсөөд би шууд ажилд орсон ч тун залхуутай, нэгэн хэвийн ажилдаа ихэд уйдсан тул интернет тоглоомыг бүр ч улангасан тоглож эхэллээ. Сарын цалингаа үндсэндээ тоглоомын хэрэгсэл, интернетийн төлбөрт зарцуулдаг байв. Шөнөжингөө нойргүй тоглоом тоглодог байсан учраас эрч хүч багатай байж, ажилдаа дандаа алдаа гарган, хуруугаа олон удаа машинд зүссэн юм. Нэг удаа өглөө эрт интернет кафе явах замд маань бүлэг хулгайч хутга тулган дээрэмдэж ч байлаа. Тэдэнд цохиулж, өшиглүүлээд би үхэх шахсан юм. Интернет тоглоомд ташуурах нь надад ийм их хор хохирол учруулж байсан ч би үүнд гүнээ татагдсаар байсан бөгөөд үргэлжлүүлэн тоглохоос өөр аргагүй байлаа.

  Тун удалгүй эцэг эх маань намайг хутга тулгуулан дээрэмдүүлсэн тухай олж мэдээд, интернет тоглоомд дахин автахгүй байхыг ахин дахин анхаарууллаа. Тэднийг сонсонгоо би сурч, ажиллаж байх хугацаанд интернет тоглоомоос надад учирсан хор хохирлын тухай, мөн интернетээр танилцсан хүмүүс, ангийн олон хүүхэд, найзуудынхаа талаар бодлоо. Тэдний зарим нь интернет тоглоом маш удаан хугацаанд тоглосноос үүдэн уймраа болж, дараа нь интернет кафед гэнэт нас барсан бол зарим нь эдгээр тоглоомыг тоглох мөнгө олохын тулд хулгай, дээрэм хийж, хууль бус, нүгэлт замаар орсон, зарим нь бүр эргэн тойрныхоо хүмүүсийг мангас гэж бодоод хөнөөсөн байв… Энэ тухай бодоод би бага зэрэг айж, интернет тоглоомд автах нь үнэхээр муу зүйл, энэ нь миний амьдралд огт ашиг тусгүй, харин ч эсрэгээрээ олон муу үр дагавар авчирсан гэдгийг харсан юм. Эдгээр тоглоомыг тоглоод байж болохгүй гэдгийг ухаарсан болохоор би интернет орж, үүнээс гарах зарим нэг арга оллоо. Гэвч болих гэж хэчнээн хичээсэн ч гэлээ донтолт маань сэдрэх болгонд түмэн шоргоолж ясыг минь мэрж, зүрхийг маань маажих мэт болж, би ч тэсэхээ болиод хяналтаа алдан дахиад тоглож эхэлдэг байв. Тоглосныхоо дараа асар их харамсаж, дахин тоглохгүй гэж шийднэ. Гэвч дараагийн удаад бас л өөрийгөө хянаж чаддаггүй байв. Иймээс би асар их шаналж, зовсон бөгөөд интернет тоглоомоос салахад минь хэн нэгэн туслаасай гэж маш их хүсдэг байлаа.

  Нэг өдөр найз маань Бурханы эцсийн өдрүүдийн сайн мэдээг надад номлосон ба би Бурханы эдгээр үгийг уншсан юм: “Бурханы мөр болон илрэлтийг хэн ч идэвхийлэн эрж хайдаггүй бөгөөд Бурханы халамж, хамгаалалт дор оршихыг хэн ч хүсдэггүй. Харин ч тэд энэ дэлхийд дасаж, хорон муу хүн төрөлхтний дагадаг оршин тогтнолын дүрэмд зохицохын тулд ёрын муу нэгэн болох Сатаны муу нөлөөнд түшиглэхийг хүсдэг. Энэ үед хүний зүрх сэтгэл, сүнс Сатанд өргөл болсон бөгөөд Сатаны хоол хүнс болдог. Үүнээс ч илүүтэйгээр хүний зүрх сэтгэл, сүнс нь Сатаны байнгын оршин суух газар, зүй ёсны тоглоомын газар болсон билээ.”（Үг нь махбодоор илэрсэн номын “Бурхан бол хүний амийн эх сурвалж”-аас） “Хүний зүрх сэтгэлд Бурханыг багтаах орон зайгүй ертөнц харанхуй, итгэл найдваргүй агаад хоосон.”（ Үг нь махбодоор илэрсэн номын “Бүх хүн төрөлхтний хувь заяаг Бурхан захирдаг”-аас）

   Бурханы үг үнэхээр зүрх сэтгэлд минь хүрлээ. Би энэ дэлхийд амьдарч байсан боловч Бурхан байдгийг хэзээ ч мэдээгүй, Түүнд найдах ёстой гэдгээ бүр ч мэдээгүй юм. Би зүгээр л амьдралын урсгалд эзэмдүүлчхээд юу зөв, юу буруу болох, хүмүүс юу эрэлхийлэх ёстой, юуг үл тоох ёстойг ялгаж салгаж огт чаддаггүй байлаа. Эргэн тойрны минь хүмүүс тоглоом тоглож, тоглоом тоглох нь хэчнээн зугаатай, сайхан тухай ярьж, тоглодоггүй хүмүүс цаг үеэсээ хоцорсон гэж хэлэхийг сонсоод би сониуч зандаа хөтлөгдөн тоглож эхэлсэн. Гэвч дараа нь энэ бүхэн хяналтаас гарч, би өөрийн эрхгүй үүнд татагдан ороод оюун ухаан маань бүхэлдээ үүгээр дүүрсэн бөгөөд хичээл номоо орхигдуулаад зогсохгүй, бүх эрч хүчээ ч бас дэмий үрсэн юм. Энэ нь миний эрүүл мэндэд нөлөөлж, амьдралд минь элдэв янзын золгүй явдал авчирсан бөгөөд интернет тоглоом тоглохоор явах замдаа бүлэг хулгайчид хутга тулгуулан дээрэмдүүлэхдээ бараг амиа алдахаа шахсан. Интернет тоглоом тоглох нь өөрт маань муу гэдгийг мэдээд, болихыг хүссэн боловч юу ч хийлээ гэсэн больж чадаагүй бөгөөд хий хоосон, зовж шаналсан байдалтай амьдарч, харанхуй, арга мөхөс байдлыг мэдэрсэн юм. Бурханы өмнө очоогүй, үнэнийг ойлгоогүй, Сатаны эзэмшилд амьдарч, түүгээр хорлогдож байснаас болж энэ бүхэн тохиолдсон гэдгийг Бурханы үгийг унших үедээ л би ойлгосон билээ. Үүнийг ухаараад, Бурханы аврал надад хэчнээн их хэрэгтэйг мэдэрлээ. Тэгэлгүй өөртөө л найдах юм бол тоглоомын донгоосоо ердөө салж чадахгүй байх байв. Тоглоомын донгоос салахын тулд Бурханыг шүтэн мөргөхөөр өмнө нь очиж, үнэнийг эрэлхийлж, Бурханы үгийн дагуу хэрэгжүүлж, Бурханд найдах ёстой гэдгээ би мэдлээ. Хожим нь би чуулганд үүргээ идэвхтэйгээр биелүүлж эхэлсэн бөгөөд ах, эгч нартайгаа хамт сайн мэдээг үргэлж түгээдэг байв. Цуглаанд оролцох, ах эгч нартайгаа хамт үүргээ гүйцэтгэх амьдрал надад үнэхээр таалагдан, маш сэтгэл хангалуун, баяр хөөртэй байлаа. Интернет тоглоом тоглоход зарцуулдаг цаг аажмаар багасаж, амьдрал минь улам бүр дэг журамтай болж, сэтгэл санаа, зан араншин маань урьдынхтайгаа харьцуулахад бүхэлдээ асар их сайжирлаа.