Христийн хаанчлал хүмүүсийн дунд биеллээ олдог

Магтан дуу “Христийн хаанчлал хүмүүсийн дунд биеллээ олдог” Бурханы ажил биелэгдсэнийг магтацгаая

Бие махбодтой болсон Төгс Хүчит Бурхан

зөвт шударгын наран мандаж буйн адил

Зүүн зүгт эцсийн өдрүүдэд илэрдэг;

хүн төрөлхтөн жинхэнэ гэрэл гарч ирэхийг харсан.

Зөвт агаад сүр жавхлант, элэгсэг, өршөөнгүй Бурхан

үнэнийг гаргаж, үгээ хэлж, ажиллан

хүмүүсийн дунд даруухнаар нуугддаг.

Төгс Хүчит Бурхан бидэнтэй нүүр тулан уулздаг. 

Чиний мөрөөсөж байсан, миний хүлээж байсан Бурхан

бидэнд өнөөдөр бодитоор илрэн харагддаг.

Бид үнэнийг эрж хайсан, бид зөвт байдалд тэмүүлсэн; 

үнэн болон зөвт байдал хүмүүсийн дунд ирсэн.

Чи Бурханд хайртай, би Бурханд хайртай;

хүн төрөлхтөн шинэхэн найдвараар тун дүүрэн. 

Бие махбодтой болсон бодитой Бурханыг

хүмүүс дуулгавартай дагаж, үндэстнүүд шүтэн мөргөдөг. 

Төгс Хүчит Бурхан үнэнийг илэрхийлж, шүүлт авчран

Бурханы зөвт зан чанарыг илчилдэг.

Үгийн шүүлт, гэсгээлт, шалгалтаар Тэр

ялагчдын бүлгийг байлдан дагуулж, төгс болгодог.

Хилэнтэй агаад сүр жавхлантай Бурханы үгс

харанхуйн эрин үеийн бүрмөсөн устгаж,

хүн төрөлхтний зөвт бусыг шүүж, цэвэрлэдэг,

Үнэн болон зөвт байдал газар дээр ноёрхдог.

Дэлхий ертөнц бүхэлдээ уухайлж, бүх хүн баярлан цэнгэдэг;

Бурханы асар хүмүүсийн дунд ирдэг.

Орчлон ертөнц үймж, үндэстнүүд шүтэн мөргөж,

Бурханы хүсэл газар дээр хэрэгждэг.

Дэлхий ертөнц бүхэлдээ уухайлж, бүх хүн баярлан цэнгэдэг;

Бурханы асар хүмүүсийн дунд ирдэг.

Орчлон ертөнц үймж, үндэстнүүд шүтэн мөргөж,

Бурханы хүсэл газар дээр хэрэгждэг.

Христийн хаанчлал хүмүүсийн дунд биеллээ олдог.

“Хургыг дагаж шинэ дуу дуулъя” номоос

Сайн мэдээний асуулт, хариулт

Сайн мэдээний асуулт, хариулт

Эзэн Есүс баптисм хүртсэний дараа тэнгэр заагдаж, Ариун Сүнс тагтаа мэт Эзэн Есүсийн дээр буухад “Энэ бол Миний хайртай Хүү. Би Түүнд ихэд тааламжтай байна” (Матай 3 : 17) гэсэн дуу тэнгэрээс гарсан гэж Библид бичигдсэн байдаг. Тэгээд итгэгчид бид бүгдээрээ Эзэн Есүс бол Христ, Бурханы Хүү гэдгийг хүлээн зөвшөөрдөг. Гэсэн ч та нар бие махбодтой болсон Христ бол Бурханы илрэлт, энэ нь Бурхан Өөрөө, Эзэн Есүс бол Бурхан Өөрөө, Төгс Хүчит Бурхан ч бас Бурхан Өөрөө гэж гэрчилсэн. Энэ нь бидний өмнөх ойлголтоос өөр байна л даа. Иймээс бие махбодтой болсон Христ нь Бурхан Өөрөө юү эсвэл Бурханы Хүү юү? Аль ч тохиолдол нь бидэнд боломжийн санагдаж байна, аль аль нь Библитэй тохирч байна. Иймээс аль ойлголт нь зөв бэ?

Хариулт:

Та нарын тавьсан асуулт бол ихэнх итгэгчдийн хувьд ойлгоход хэцүү байдаг яг тэр асуулт юм. Бие махбодтой болсон Эзэн Есүс хүн төрөлхтнийг золин аврах ажлыг хийхээр ирэх үед Бурхан хүмүүсийн дунд илэрч, ажил хийн, хүний Хүү болсон. Тэр Нигүүлслийн эрин үеийг нээгээд зогсохгүй бас хүнтэй цуг амьдрахын тулд хүний ертөнцөд Бурхан биечлэн ирсэн шинэ эрин үеийг эхлүүлсэн. Хүн асар их бишрэлтэйгээр, Эзэн Есүсийг Христ, Бурханы Хүү гэж нэрлэсэн. Тухайн үед Ариун Сүнс ч бас Эзэн Есүс бол Бурханы хайртай Хүү гэдэгт гэрчлэл хийж, Эзэн Есүс тэнгэрийн Бурханыг Эцэг гэж дуудсан. Тийм болохоор Эзэн Есүс бол Бурханы Хүү гэж хүн итгэсэн. Ийм маягаар энэхүү Эцэг—Хүүгийн харилцааны тухай үзэл бий болсон. Одоо хэсэг зуур бодоод үзэцгээе. Эхлэл номын хаа нэгтээ Өөрт нь хүү байсан гэж Бурхан хэлсэн үү? Одоо тэгвэл Хуулийн эрин үед, Өөрт нь хүү байдаг гэж Ехова Бурхан хэлж байсан уу? Тэр тэгээгүй! Цорын ганц Бурхан байдаг гэдгийг энэ нь баталдаг, Эцэг-Хүүгийн харилцааны талаар яриад байх юм байхгүй. Одоо зарим хүмүүс ингэж асууж магадгүй: Нигүүлслийн эрин үед яагаад Эзэн Есүс Өөрийгөө Бурханы Хүү гэж хэлсэн бэ? Эзэн Есүс Христ Бурханы Хүү байсан уу эсвэл Бурхан Өөрөө юү? Энэ бол эрин үеүдийн туршид итгэгчид бидний маргалдсаар ирсэн асуулт гэж хэлж болох юм. Энэ асуудалд зөрчилдөөн угаасаа байгаа гэдгийг хүмүүс мэдэрдэг боловч үүнийг яаж тайлбарлахаа мэддэггүй. Эзэн Есүс бол Бурхан, гэхдээ бас Бурханы Хүү, иймээс Эцэг Бурхан гэж бас байгаа юу? Хүмүүс энэ асуудлыг тайлбарлах бүр ч чадваргүй байдаг. Сүүлийн хэдэн мянган жилд, Эзэн Есүс Христ бол Бурхан Өөрөө бөгөөд Бурханы илрэлт гэдгийг хүлээн зөвшөөрсөн хүн маш цөөхөн байсан. Үнэндээ, үүний талаарх тодорхой тэмдэглэл Библид байдаг. Иохан 14:8-д Филип Эзэн Есүсээс “Эзэн минь, бидэнд Эцэгээ харуулаач, энэ л бидэнд хангалттай” гэсэн. Тэгвэл тухайн үед Эзэн Есүс Филипт юу гэж хариулсан бэ? Эзэн Есүс Филипт, “Би та нартай хамт ийм удаан байсан атал чи Намайг мэдсэнгүй гэж үү, Филип ээ? Намайг харсан хүн Эцэгийг харсан; гэтэл ‘Бидэнд Эцэгийг харуулаач’ гэж чи яаж хэлнэ вэ? Би Эцэгийн дотор, Эцэг Миний дотор байгаа гэдэгт чи итгэдэггүй гэж үү? Та нарт хэлж байгаа үгээ би Өөрийн санаагаар хэлээгүй: харин Миний дотор оршдог Эцэг ажлаа хийж байгаа юм. Би Эцэгийн дотор, Эцэг Миний дотор байгаа гэдэгт Надад итгэ: эс бөгөөс ажлын минь төлөө Надад итгэ” гэсэн. (Иохан 14:9-11) Энд Эзэн Есүс “Намайг харсан хүн Эцэгийг харсан” гэж маш тодорхой хэлсэн. Та нарын харж байгаачлан Эзэн Есүс бол Бурханы Өөрийн илрэлт юм. Бурхан Тэр хоёр Эцэг—Хүүгийн харилцаатай гэж Эзэн Есүс энд хэлээгүй. Тэр зүгээр л“Би Эцэгийн дотор, Эцэг Миний дотор байгаа” “Би болон Миний Эцэг нэг юм” (Иохан 10:30) гэсэн. Одоо Эзэн Есүсийн үгээс, Эзэн Есүс бол Бурхан Өөрөө бөгөөд Бурхан цорын ганц байдаг, “Эцэг-Хүүгийн харилцаа” гэх юм байдаггүй гэдгийг баталж болно.

Сүсэг бишрэлийн нууц: Үргэлжлэл кино жүжгээс авав

Эзэн Есүс Бурханы Хүү юү эсвэл Бурхан Өөрөө юү?

“Сүсэг бишрэлийн нууц: Үргэлжлэл” киноны клип: Эзэн Есүс Бурханы Хүү юү эсвэл Бурхан Өөрөө юү?

Эзэн Есүс болХрист, Тэр бол Бурханы Хүү гэдэг нь Библид тодорхой тэмдэглэгдсэн. Гэсэн ч, бие махбодтой болсон Христ бол Бурханы илрэл, Тэр бол Бурхан Өөрөө юм гэж Зүүний Аянга гэрчилдэг. Иймээс бие махбодтой болсон Бурхан, Бурханы Хүү юү? Эсвэл Тэр Бурхан Өөрөө юү? Төгс Хүчит Бурхан хэлсэнчлэн, “‘Есүс бол Бурханы Хүү, таалал минь Түүнд оршдог’… Тэр нь, Бурхан Өөрийгөө гэрчилж байсан гэхдээ зүгээр л өөр өнцгөөс тэнгэр дэх Сүнс Өөрийн бие махбоддоо гэрчлэл хийж байсан. Есүс бол тэнгэр дэх Хүү биш, бие махбод болсон Бурхан юм. Чи ойлгов уу? “Эцэг Миний дотор, Би Эцгийн дотор байдаг” хэмээх Есүсийн үг нь Тэд бол нэг Сүнс гэдгийг илэрхийлээгүй гэж үү? Бие махбод болсны улмаас Тэд тэнгэр, газрын хооронд тусгаарлагдсан биш биз дээ? Үнэндээ Тэд нэг хэвээрээ байгаа; ямар ч байсан Бурхан зүгээр л Өөрийгөө гэрчилсэн юм.” 

“Үг нь махбодоор илэрсэн” номоос