Шүүлт бол гэрэл

   Энэ удаад Бурханы шүүлт, цээрлүүлэлтийг биеэрээ туулан мэдэрснийхээ дараа нэр алдар, байр сууринд анхаардаг хандлагынхаа талаар би зарим нэгэн мэдлэгтэй болж махан биеэ хаях, Бурханд итгэх, Түүний шаардлагын дагуу үүрэг хариуцлагаа биелүүлэх хүсэлтэй байлаа. Хэдий тийм боловч би Сатаны хоронд хэтэрхий гүнзгий хордсон байв. Сүнсний маань гүн Сатаны нөлөөгөөр хянагдсаар байсан. Намайг Сатаны хор нөлөөнөөс илүү сайн хамгаалахын тулд Бурхан надад авралын гараа дахин нэг удаа сунгасан юм. Нэг өдөр, чуулганы нэг эгчийн нөхцөл байдал сайнгүй байгаа тухай надад мэдээлсэн, тэгээд би хамтарч ажиллаж байсан эгчтэйгээ энэ асуудлыг хэрхэн шийдвэрлэх талаар зөвлөлдсөн. Миний хамтарч ажиллаж байсан эгчийн бие сайнгүй байсан учраас, хэлэлцсэнийхээ дараа би асуудлыг шийдэхээр ганцаараа явсан. Би тэр эгчтэй уулзах гэж тэр оройдоо хайж олсон бөгөөд асуудал маш хурдан шийдвэрлэгдсэн. Би нэлээн их хичээл зүтгэл гаргасан учраас дээд түвшний удирдагч намайг гарцаагүй магтана гэж бодон миний сэтгэл тэр үед баяр жаргалаар бялхан байлаа. Гэсэн хэдий ч, намайг сайн мэдээ хүлээн байхад тэр эгчийн байдлыг ойлгохыг хүссэн захидал дээд түвшний удирдагчаас ирсэн. Би үүнийг надад ирсэн магтаал гэж бодон аз жаргалтайгаар нээн уншив. Харин, асуудлыг хэрхэн шийдвэрлэснийг миний хамтран ажиллаж байсан эгчээс асуусан тэр захидлын агуулгыг би хараад нэн даруй эгдүүцэн уурласан: Асуудлыг шийдсэн хүн нь би. Яагаад энэ талаар над руу бичиж асуудаггүй юм бэ? Би удирдагчийн зүрх сэтгэлд байр суурь эзэлдэггүй, намайг дорд үздэг юм байна. Би ердөө л нэг зарлага охин юм байна. Би үүргээ хэчнээн сайн гүйцэтгэсэн ч ялгаагүй нэр нь надад ирэхгүй, учир нь хэн ч анхаарал тавьдаггүй. Энэ тухай би хэдийчинээ их бодно төдийчинээ ихээр буруутай мэт санагдаж сэтгэлээр унасан. Би бүхий л нэр нүүрээ алдсан мэт санагдсан. Энэ үед миний хамтран ажилладаг эгч нэг захидал барьчихсан, надтай ярих гэж байлаа. Би сэтгэл доторх мэдрэмжээ хязгаарлаж чадалгүй түүн рүү хашгичсан: “Дээд түвшний удирдагч энэ асуудлыг хэрхэн шийдэгдсэнийг мэдэхгүй байна. Та нар энэ тухай тодорхой сайн мэдэхгүй байгаа юм уу? Би үүн дээр бүх насаараа завгүй ажилласан, гэвч нэг ч хүн энэ талаар сайн үг хэлсэнгүй, тэгээд эцэст нь та л бүх нэрийг авч байна. Хүн бүрийн нүдэнд, би зүгээр л нэг ойр зуурын ажил хийдэг, тусламж санал болгодог хүн байдаг. Би хэчнээн хичээл зүтгэл гаргасан ч ялгаагүй хэн ч үнэлж үздэггүй.” Ингэж хэлээд би үнэхээр их цөхөрснөөсөө болоод нулимсаа сад тавив. Тэр мөчид Бурханы үг чихэнд маань цуурайтсан: “3. Хэрвээ чи маш их зүтгэл гаргасан ч Би чамд хүйтэн хандсан хэвээр байвал, олонд алдаршихгүйгээр Миний төлөө цаашид ажилласаар байж чадах уу? 4. Хэрвээ чи Надад зарим зүйлээ зориулсан ч Би чиний ялихгүй хүсэлтийг ч биелүүлээгүй бол сэтгэлээр унаж, Надад итгэл алдарч эсвэл урам хугарч Намайг чанга дуугаар харааж загнах уу?” (Үг нь махбодоор илэрсэн номын “Нэн ноцтой асуудал: Урвалт (2)”-аас). Бурханы буруушаасан үгс намайг алгуурхнаар тайтгаруулж, оюун санаа маань ч бас нэлээн цэвэрлэгдсэн. Дөнгөж сая болсон энэ үзэгдэл миний оюун санаанд кино адил дахин дахин тоглож байв. Бурханы илчлэлт, миний уг чанар хэтэрхий аймшигтай, аюултай болохыг, Бурханд итгэсэн миний итгэл, миний үүрэг хариуцлагын гүйцэтгэл Бурханы сэтгэлийг хангалуун байлгах эсвэл Түүний дэмжлэгийг авахад бус харин бусад хүмүүсээс магтаал сайшаал хүртэхийн тулд байсныг надад харуулсан. Миний хүсэл хангагдахгүй болмогц би эгдүүцлээр дүүрч, араатанлаг уг чанар маань оргилон гарч тэр ч байтугай, Бурханыг хуурах нь хийхэд маш амархан зүйл болдог. Энэ үед би хэтэрхий хол явчихаад байснаа, хүний үнэргүй гэдгээ олж харсан. Миний мэдэрсэн шаналал сэтгэл өвдөм байв. Би гэмээ гэмшиж, Бурханд хандан залбирсан: “Өө Бурхан минь, би өөрийгөө өөрчлөгдсөн, нэр алдар, байр суурь хөөцөлдөхөө больсон, эгчтэй эвтэй найртай байж чадна гэж бодсон. Гэвч Таны өнөөдрийн илчлэлтээр би, надад хүмүүсийн дунд байр суурь байхгүй гэж байнга мэдрэн, хичээл зүтгэлийг маань хүмүүс магтан сайшаахгүй байна гэж шаналан өөрийнхөө сатанлаг жигшүүрт байдлаа дахин нэг удаа ил болгосон. Өө Бурхан минь, Сатан намайг хэтэрхий гүнзгий хордуулжээ. Байр суурь, нэр хүнд, бардамнал бүгд, миний дөнгө тушаа болсон. Сатаны нөлөөнөөс дахин гарахад маань намайг Та удирдахын төлөө би залбиран гуйж байна.” Дараа нь, би Бурханы үгсээс олж харсан: “Та нар бүгд үй олон хүмүүсээс хамгийн өндөрт дээшилсэн; та нар үй олон хүмүүсийн өвөг дээдэс байхаар дээшилсэн. Та нар туйлын дур зоргоороо бөгөөд амар тайван газар эрж хайж байгаа бүх өтнүүдийн дунд та нар галзууран гүйж, өөрсдөөсөө жаахан өтнүүдийг залгихаар оролдож байгаа. Та нар зүрх сэтгэлдээ хорлонтой, зэвүүн байдаг бөгөөд далайн ёроолд живсэн хий үзэгдлүүдийнхээс даван гардаг. Та нар өтөг баасны ёроолд амьдарч, дээрээсээ эхлээд доошоо хүртэлх өтнүүдийг үймүүлдэг болохоор тэд амар тайван байж чаддаггүй, өөр хоорондоо хэсэг зуур тэмцэлдээд дараа нь тайвширдаг. Та нар өөрсдийн байр сууриа мэддэггүй ч өтөг баасан дотор бие биетэйгээ тэмцэлдсээр байдаг. Тэр тэмцэлдээнээс та нар юу олж авч чадах юм бэ? Хэрвээ та нарт Намайг хүндлэх зүрх сэтгэл үнэхээр байсан бол та нар Миний нүднээс далдуур хэрхэн бие биетэйгээ тэмцэлдэж чадах юм бэ? Чиний байр суурь хэчнээн өндөр байх нь хамаагүй чи бол өтөг баасан доторх өмхий үнэртэй өчүүхэн өт биш гэж үү? Чи далавчаа ургуулан тэнгэр дэх тагтаа болж чадах уу?” (Үг нь махбодоор илэрсэн номын “Унаж буй навчис үндэс рүүгээ буцахад чи өөрийн хийсэн ёрын муу бүхэндээ харамсах болно”-оос). Бурханы шүүлтийн үг бүр миний зүрх рүү хурц сэлэм мэт хатган сүнсийг маань сэрээж, үүргээ биелүүлэхдээ би Бурханыг өргөмжлөх, Түүнд гэрчлэл хийхийн тулд бус байнга бусдын анхаарлыг татахыг хүсдэг, өөртөө гэрчлэл хийж хүмүүсийн дунд өндөр байр суурьтай байхыг мөрөөдөж, хүмүүсээр шагшигдан магтуулж хүндлүүлэхийг зорьдог байсныг маань надад ухааруулсан. Миний сэтгэлд Бурханаас эмээх айдас байсан уу? Миний хөөцөлдөж байсан зүйл Бурханыг хууран мэхэлсэн тэргүүн тэнгэр элчийнхтэй адил байгаагүй гэж үү? Би бол Сатанаар гүнзгий ялзруулагдсан, бүтээгдсэн бүтээл. Бурханы өмнө бол би хог шороо, өт хорхой. Би бүх цаг үед сэтгэл зүрхэндээ Бурханаас айх айдсыг тээж Бурханыг бишрэн хүндэлж, үүргээ биелүүлж байх ёстой, харин би шударга ажилд оролцоогүй, үүргээ биелүүлэхдээ байнга бусдын анхаарлыг татах, өөртөө гэрчлэл хийх зорилгоор ашиглахыг хүсдэг байсан. Бурхан хэрхэн үүнийг үзэн ядахгүй, жигшин зэвүүцэхгүй байж чадах вэ? Бурхан бол үнэхээр ариун, бас гайхамшигтай, эрх мэдэл, хүч чадлаар дүүрэн боловч хүмүүсээр хүндлүүлж, гайхагдан шагшигдах гэж Өөрийн язгуур чанараа хэзээ ч илчлэлгүйгээр даруу төлөв, нууцлаг үлддэг. Тэрээр хэзээ ч Өөрийгөө зөвтгөлгүйгээр, нэр төр нэхэмжлэлгүйгээр, хүнээс ямар нэгэн зүйлийг хүсэлгүйгээр хүн төрөлхтнийг аврахын тулд Өөрийн бүх зүйлээ өгөхөөр чимээгүй үргэлжлүүлдэг. Бурханы даруу төлөв байдал, эрхэм дээд байдал, амь биеэ хайрладаггүй чанар зэрэг нь намайг өөрийн бардам ихэмсэг байдлаа, дорд, амин хувиа хичээсэн зангаа олж харахад хүргэж, Сатанаар хэтэрхий гүнзгий ялзруулагдсан бас Бурханы шүүлт, гэсгээлт, сорилт, цэвэршүүлэлтийн аврал надад маш их хэрэгтэй байгааг мэдрүүлсэн. Тиймд би Бурханы өмнө хөсөр унаж: “Өө Төгс Хүчит Бурхан минь! Таны гэсгээлт, шүүлтээр дамжуулан би өөрийн дуулгаваргүй байдлаа, мөн Таны эрхэм дээд чанар, гайхамшигтай байдлыг илүү тодорхой харж байна. Одооноос эхлээд би үүрэг хариуцлагаа биелүүлэхдээ Танаас эмээх зүрх сэтгэлтэй зүй ёсны хүмүүн адил биеэ авч явахыг л хүсэх бөгөөд Таны үгэнд суурилан өөрийн сатанлаг зан чанараа хаях болно.”

  Бурханы гэсгээлт, шүүлтийг дахин дахин биеэрээ туулан мэдрээд, итгэлийн мөрийг хөөх талаар миний үзэл бодол өөрчлөгдсөн, гэхдээ миний амьдралын зан чанар үнэхээр өөрчлөгдөөгүй. Намайг илүү ихээр бүрмөсөн цэвэрлэхийн тулд, амьдралын зөв замаар явахад намайг удирдан хөтлөхийн тулд Бурхан дахин нэг удаа надад Өөрийн авралаа шагнасан. Хожим нь би, өөр нэг эгчтэй хамтран ажиллаж үүрэг гүйцэтгэхээр чуулганы удирдагчаар сонгогдсон. Өмнөх алдаануудаасаа болоод би өөртөө, чуулганы ажлыг зүй ёсоор авч явахын тулд эгчтэй нэгэн санаатай байх хэрэгтэй гэж байнга сануулдаг байлаа. Эхэндээ би эгчтэй юм бүхнийг хэлэлцэн, Бурханы удирдамжийг хамт баримтлан улмаар бид ажлынхаа бүх талбарт үр дүнд хүрч байв. Харин хэсэг хугацааны дараа, би эгчийг маш сайн төрөлх чанартай болохыг олж мэдсэн. Тэрээр, үнэнийг мэдээлэн дамжуулахдаа тодорхой, сэнхрүүлэн тайлбарлах чадвартай, ажлын ур чадвараар надаас илүү хүчтэй. Цуглаанууд болох үеэр ах, эгч нар түүний мэдээлж буй зүйлийг сонсох хүсэлтэй байдаг бөгөөд асуудал тулгарсан үед бүгд л түүнтэй зөвлөлдөнө. Ийм нөхцөл байдалтай нүүр тулаад би Сатаны урхинд дахин орж хууртагдсан: Тэр эгч надаас бүх талаараа илүү бөгөөд хаана ч явсан ах, эгч нар байнга шагшин бахдана. Яагаад ч үгүй! Би түүнээс юугаараа ч хамаагүй илүү гарах ёстой, тэгээд ах, эгч нарт би түүнээс дутуугүй гэдгээ харуулна. Энэ шалтгаанаар би өдөр бүр чуулганы орчимд зогсолтгүй гүйж ах, эгч нарт уулзалт зохион байгуулж, хэн нэгэнд асуудал тохиолдвол асуудлыг шийдвэрлэхэд тэдэнд туслахаар яаран гүйж очно. … Би гадна талдаа үнэнч шударга, дуулгавартай харагддаг байж магадгүй гэхдээ миний дотоод хүсэл мөрөөдөл Бурханы нүднээс хэрхэн зайлж чадах вэ дээ? Миний дуулгаваргүй байдал Бурханы уур уцаарыг төрүүлж, үр дүнд нь би түнэр харанхуйд унасан. Бурханы үгийг уншаад би гэгээрүүлэлт хүлээж аваагүй, залбирч байхдаа надад хэлэх үг байгаагүй, уулзалтуудын үеэр хуурай хоосон хандаж, ах, эгч нартай уулзахаасаа хүртэл айдаг байсан. Би нэр төр, байр сууринд бүрмөсөн дөнгөлүүлсэн. Би өдөр бүрийг нуруун дээрээ хүнд ачаа үүрэн явж, дарамтнаас нь болоод амьсгалж чадахгүй мэт юу ч мэдэхгүй өнгөрүүлж байсан. Би чуулганы зарим асуудлыг нэвтэрхий харж чадахаа больж ажлын маань үр дүн огцом муудсан. Бурханы тийм илчлэлттэй нүүр тулгараад би өөрийгөө мэдэх гэж хичээгээгүй бас намайг дорд үзнэ гэж эмээгээд нөхцөл байдлынхаа талаар ах, эгч нарт нээж ярихыг, шийдвэрлэхийн тулд үнэнийг эрэлхийлэхийг хүсэхгүй байлаа. Хожим нь Бурханы гэсгээлт, сахилгажуулалт миний дээр буусан юм. Миний гэдэс гэнэт маш ихээр өвдөж эхлэн би амар тайван зогсож, сууж чадахгүй байлаа. Өвдөлтөөс шалтгаалсан тарчлаан, байр сууринд хүрээгүйгээс болсон сэтгэл ханамжгүй байдал намайг үхэл амьдралын хооронд дэнжигнүүлж байлаа. Өөрийн асуудлаа хүлээн зөвшөөрөхөөс татгалзсан, бас чуулганы ажилд хамтран ажиллаж чадаагүй бүтэлгүйтлээс маань болоод чуулганаас намайг халж, чимээгүй мөргөл, өөрийнхөө тухай эргэцүүлэх цаг хийлгэхээр гэрт маань илгээсэн. Байр сууриа алдсанаар надад тамд очихоор буруутгагдсан мэт мэдрэмж төрсөн юм. Сэтгэл зүйн хувьд би доод цэгтээ хүртэл унаж бүх л нэр нүүрээ алдсан мэт санагдсан. Ялангуяа, би Ариун Сүнсний ажлыг алдчихаад ямар ч үүрэг биелүүлж чадахгүй байх үедээ ах, эгч нарыг үүргээ идэвхтэй биелүүлж байгааг харахаараа дотроо бүр ч илүү ихээр тарчилж байлаа. Зовлон шаналлынхаа дунд би өөрөөсөө асуухгүй байж чадаагүй: би нэр төр, байр суурийн төлөө удаа дараа Бурханд дуулгаваргүй байж, Бурханыг эсэргүүцээд байхад бусад хүмүүс Бурханд итгээд илүү их үнэнийг ойлгоод байдаг нь ямар учиртай юм бэ? Уналтынхаа уг үндсийг олоход намайг удирдан чиглүүлэхийг би Бурханаас олонтаа гуйсан. Нэг өдөр би Бурханы үгсийн дундаас дараах үгсийг олж харав: “… зарим хүмүүс ялангуяа Паулыг тахин шүтдэг: Тэд үг хэлж, гадна ажиллах дуртай. Тэд уулзаж, ярилцах дуртай; хүмүүс тэднийг сонсож, тэднийг шүтэн мөргөж, тэднийг тойрон хүрээлэхэд тэд дуртай байдаг. Тэд бусдын сэтгэлд нэр сүртэй байх дуртай байдаг ба бусад хүн тэдний дүр зургийг үнэлэхэд тэд талархдаг. Ийм төрлийн ааш авираас бид хүний уг чанарын талаар юуг олж илрүүлдэг вэ? Түүний уг чанарыг шинжилцгээе: Иймэрхүү ааш авиртай ийм төрлийн хүн ямар уг чанартай байдаг вэ? Үүнийг үгээр хэрхэн нэгтгэн дүгнэж болох вэ? Энгийн хүмүүс үүнийг нэвт шувт харж чаддаггүй, харин зөвхөн ааш авирыг л харж чаддаг. Ааш авир болон хүний уг чанарын хоорондох харилцаа юу вэ? Түүний уг чанар нь ямар вэ? Үүнийг тодорхойлж чадахгүй, тийм үү? Хэрвээ тэр үнэхээр ийм маягаар авирладаг бол тэр биеэ тоосон агаад их зантай гэдгийг харуулахад энэ нь хангалттай юм. Тэр Бурханд огтхон ч шүтэн мөргөдөггүй; тэр өндөр байр суурийг эрж хайдаг бөгөөд бусдыг захирах эрх мэдэлтэй байж, тэднийг эзэмдэж, тэдний сэтгэлд нэр сүртэй байхыг хүсдэг. Энэ бол Сатаны сонгодог дүр зураг юм” (Христийн ярианы тэмдэглэл номын “Хүний уг чанарыг хэрхэн мэдэх вэ”-ээс). Түүн дээр нэмээд, “Амь руу нэвтрэх тухай сургаалууд ба Нөхөрлөл”-д ингэж хэлжээ: “Сатаны мөн чанар болоод уг чанар нь урван тэрслэмтгий юм. Энэ нь бүр эхэн үеэс л Бурханаас урван тэрсэлсэн бөгөөд дараа нь, Бурхантай эн тэнцүү байх, тусгаар хаант улс байгуулахын тулд Бурханаар бүтээгдсэн хүмүүсийг залилан мэхэлсэн, хуурч төөрөгдүүлсэн, аргандаа оруулсан, хяналтандаа авсан. … Чи харж байна уу? Сатаны уг чанар Бурханаас урван тэрсэлдэг биш гэж үү? Хүн төрөлхтөнд Сатаны хийсэн бүхнээс бид, Сатан бол Бурханыг эсэргүүцэгч жинхэнэ чөтгөр гэдгийг, Сатаны уг чанар Бурханаас урван тэрслэмтгий болохыг тодорхой харж чадна. Энэ бүхэн гарцаагүй юм” (“Ялзарсан уг чанарынхаа талаар хэрхэн мэдэх вэ?”, Амь руу нэвтэх тухай Сургаал, нөхөрлөл (I)). Эдгээр үгийг эргэцүүлээд би айснаасаа болж дагжин чичрэхгүй байж чадаагүй. Би тэр аяараа Сатаны дүр төрхөөр амьдарснаа, бардам, ихэмсэг, Бурханыг огт хүндлэн мөргөдөггүй-Сатаны жинхэнэ биежилт байснаа олж харсан. Бурхан намайг чуулганд үүрэг гүйцэтгүүлэхээр өргөмжилсөн, ингэснээр би сэтгэлдээ айдастайгаар ах, эгч нарыг Бурханы өмнө авчирч, хүмүүсийн зүрх сэтгэлд Бурханд зориулсан байрыг гаргаж, мөн Бурханаас айж эмээдэг, дуулгавартай болгож чадна. Харин Бурханы өргөмжлөлтэй нүүр тулаад, үүрэг хариуцлагаа биелүүлэхдээ би Бурханы зорилгод анхаарч санаа тавиагүй, амь руу нэвтрэхэд нь ах, эгч нарт туслах мэдрэмж төрөхгүй явсан. Ингэхийн оронд, би хүмүүсийн анхаарлыг татаж, өөрийгөө сонсгох гэж, өөрийн хүсэл мөрөөдлийнхөө төлөө хаашаа ч явсан бай хамаагүй байнга өөрийгөө бүтээн босгох гэж оролддог байсан. Би үргэлж сайнд атаархаж, хүчтэйд дайсагнаж, давуу байдлын төлөө бусадтай зөрүүдлэн өрсөлддөг байсан. Би гадна талдаа хүмүүстэй өрсөлдөж байсан боловч үнэн хэрэг дээрээ Бурханы эсрэг дайтаж, байр суурь, хүч чадлын төлөө Бурхантай тэмцэж байсан. Энэ бол Бурханы зан чанарт ноцтойгоор халдаж буй хэрэг бөгөөд Бурханаар шийтгэгдвэл зохих зан авир юм! Хэдий тийм боловч, Бурхан миний хийсэн зүйлийн дагуу надтай харьцаагүй. Тэр намайг зөвхөн шүүж, гэсгээж, залхааж, сахилгажуулсан бөгөөд намайг өөрийнхөө талаар эргэцүүлэх, гэмээ гэмшихэд хүргэн байр суурьгүй болгосон. Миний төлөөх Бурханы хайр хэтэрхий гүнзгий, хэтэрхий гайхамшигтай! Би дотроо харамсаж, өөрийгөө буруутгахгүй байж чадаагүй, мөн түүнчлэн миний ялзрал үнэхээр гүнзгий байсныг үзэн ядсан. Би Бурханыг дагасан, гэхдээ үнэний мөрийг хөөгөөгүй, харин түүний оронд байр суурь, нэр алдрын төлөө сохроор хөдөлмөрлөсөн. Би үнэхээр Бурханы хайр, авралын дагуу амьдарч чадаагүй. Би өөрийгөө нягтлан шүүх тусмаа хүн төрөлхтнийг ялзруулж, хор хөнөөл учруулахдаа Сатаны ашигладаг худал хуурмаг зүйлс болох “Хүн нэрээ, тогос өдөө”, “Хүн явсан газар бүртээ нэрээ үлдээдэг, шувуу ниссэн газар бүртээ ганганадаг” зэрэг мэргэн үгсийн дагуу амьдарч байснаа тодорхой харсан. Байр суурь, алдар нэр, эд хөрөнгө, нэр хүнд зэрэг хоосон зүйлсийн хойноос маш ихээр хөөцөлдөхөд хүргэж, хүмүүсийн сүнсийг мэдээгүй болгох, тэдний оюун санааг гажуудуулах, амьдралыг үзэх буруу үзэл бодолтой болгохын тулд Сатан эдгээрийг ашигладаг болохыг би ойлгож ухаарсан. Ингэснээр тэд эцэст нь Бурханаас төөрч, урван тэрсэлж, бүхий л хуурамч зүйлсээр амьдран, тэдгээрийн төлөө ажиллаж, тэдгээрийн зоргоор хорлогдоно. Би бол зүрх сэтгэлдээ Бурханд зориулах байр үгүй, бардам, ихэмсэг, хямсгар болсон, Сатаны худал хуурмаг зүйлсэд үндэслэн амьдралын талаарх буруу үзэл бодлыг хөгжүүлсэн хүмүүсийн нэг нь юм. Би ялзрал дунд амьдарч, Бурханд дайсны адилаар хандсан. Одоо, би Бурханы нигүүлсэнгүй өгөөмөр чанарыг таашаан баярлахын зэрэгцээ дахиад хэзээ ч Бурханы эсрэг явах ёсгүй. Би өөрийгөө бүрэн дүүрэн өөрчилж, Сатаныг бүхэлд нь хаяж, зүрх сэтгэлээ тэр чигээр нь Бурханд өгч Бурханы сэтгэлийг амар тайван байлгах үнэн зөв хүнтэй төстэй байдлыг амьдруулан гаргах болно. Түүний дараа, би ирээдүйн замаа хэрхэн үргэлжлүүлэх талаар, Бурханы хүслийг хангалуун байлгахын тулд үнэний мөрийг хэрхэн хөөх талаар эрэлхийлсэн. Намайг дахин удирдан хөтөлсөн Бурханд талархаж байна. Тэгээд би Бурханы үгсийг харсан: “Өнөөдөр хэдийгээр чи ажилчин биш байсан ч, Бурханы бүтээлийн үүргээ биелүүлж, Бурханы бүх зохион байгуулалтанд захирагдахаар тэмүүлэх ёстой. Чи Бурханы хэлсэн бүхэнд дуулгавартай байж, бүх төрлийн зовлон шаналал, цэвэршүүлэлтийг туулах чадвартай байх ёстой ба хэдий чи сул дорой ч зүрх сэтгэлдээ Бурханыг хайрласаар байх чадвартай байх ёстой. Өөрсдийн амийн төлөө хариуцлага үүрдэг хүмүүс нь Бурханы бүтээлийн үүргээ биелүүлэхэд бэлэн байдаг ба тийм хүмүүсийн эрэл хайгуулд хандах үзэл бодол нь зөв байдаг. Эдгээр нь Бурханд хэрэгтэй хүмүүс юм. … Бурханы бүтээл болохын хувьд хүн Бурханы бүтээлийн үүргээ биелүүлэхээр тэмүүлж, өөр сонголт хийлгүйгээр Бурханыг хайрлахаар тэмүүлэх ёстой, учир нь Бурхан бол хүний хайрыг хүртэх эрхтэй билээ. Бурханыг хайрлахаар тэмүүлдэг хүмүүс ямар нэг хувийн эрх ашгийг эсвэл өөрсдийн хүсэн хүлээдэг зүйлийг эрж хайх ёсгүй; энэ нь эрэл хайгуулын хамгийн зөв арга барил юм” (Үг нь махбодоор илэрсэн номын “Амжилт эсвэл бүтэлгүйтэл нь хүний алхаж буй замаас хамаарна”-аас). Бурханы үг гэрэлт цамхаг адилаар, миний явбал зохих замыг зааж, зүрх сэтгэлийг гэгээрүүлсэн. Бурхан хүмүүсийг байр суурьтай эсэхээс эсвэл тэдэнд ямар орчин нөхцөл тохиолдсоноос үл хамааран үнэний мөрийг хөөхийн төлөө чадах бүхнээ хийх, Бурханы нарийн зохион байгуулалт, зохицуулалтанд дуулгавартай байх, Бурханыг хайрлах, сэтгэл хангалуун байлгахаар эрэлхийлэхийг хүсдэг. Энэ бол итгэлийн мөрийг хөөх хамгийн зөв зам бөгөөд бүтээгдсэн бүтээлийн явбал зохих амьдралын зөв зам юм. Тийм учраас би, Бурханы өмнө шийдвэр гаргасан: Өө Бурхан минь, амьдралын зөв замыг надад харуулсанд тань талархаж байна. Өнгөрсөн үе дэх миний байр суурь Таны өргөмжлөлийн улмаас билээ. Өнөөдөр байр суурьгүй байгаа маань ч гэсэн Таны зөвт байдлын улмаас юм. Би ердөө нэг жижигхэн бүтээгдсэн бүтээл. Одооноос эхлээд би, зөвхөн үнэний мөрийг хөөхийг, Таны бүх зохицуулалтад дуулгавартай байхыг л хүсэж байна.

  Дараа нь, Бурханы үгийг унших, чуулганы амьдралаар амьдрах замаар миний нөхцөл байдал маш хурднаар буцаад хэвэндээ орсон. Чуулган дахиад, надад тохиромжтой үүрэг хариуцлага өгөв. Бас би үүрэг хариуцлагаа биелүүлэхдээ үнэний мөрийг хөөхөд анхаарлаа хандуулсан бөгөөд хэзээ ч ямар нэгэн зүйл тохиолдоход Бурханы зорилгыг эрэлхийлж, өөрийгөө мэдэхийг хичээж тухайн асуудлыг шийдвэрлэхэд холбогдох үгийг хайж олдог. Нэр төр, байр суурь оролцсон асуудалтай нүүр тулбал, хэдийгээр санаанд маань зарим нэгэн бодол төрөвч залбирал болон Бурханы үгээр дамжуулан би үнэнийг эрэлхийлж, өөрийгөө орхин аажмаар эдгээр зүйлсийн хяналтанд байхаа больж амар тайвнаар үүргээ гүйцэтгэж чадах болсон. Бурханд итгэдэггүй ах, эгч нарыг хараад би, үнэнийг эрэлхийлэх замаар, надад үүрэг даалгавар найдан хүлээлгэсний хувьд, хүний ямар үүрэг хариуцлага биелүүлэх нь Бурханаар урьдчилан тогтоогдсон байдаг болохыг бас би Бурханы зохицуулалтанд дуулгавартай байх хэрэгтэйг ойлгож чадна. Үр дүнд нь би үүнд зөв арга замаар хандаж чадсан. Ах, эгч нар миний уг чанар, мөн чанартай тооцоо хийж, илчлэхэд хэдийгээр нэр нүүрээ алдсан мэт мэдрэмж төрсөн ч залбирлаар дамжуулан би дуулгавартай болж чадсан. Энэ бол Бурханы миний дээр ирснээс, миний амьдралын зан чанар өөрчлөгдөхөд маш ихээр үр нөлөөгөө өгснөөс шалтгаалсан. Өнгөрсөн хугацаанд, би өөрийн нэр нүүрэндээ хэтэрхий их анхаарал тавьсан бөгөөд бусад хүмүүст дорд үзэгдэнэ гэж айгаад хэнд ч өөрийнхөө талаар нээлттэй байхыг хүсээгүй. Одоо би, Бурханы шаардлагын дагуу үнэнч шударга хүн байх дадал зуршлыг хэрэгжүүлж байна, хэрвээ надад асуудал тулгарвал би ах, эгч нартай нээлттэй ярилцаж энэ нь миний сэтгэлийг маш их хөнгөвчилж сүнсний маань гүнд аз жаргалтай болгодог. Эдгээр өөрчлөлтийг би өөртөө хараад сүүлчийн өдрүүдийн Бурханы гэсгээлт, шүүлтийн ажлаар дамжин надад ирсэн эдгээр өөрчлөлтийн төлөө Бурханд талархахгүй, магтаал өргөхгүй байж чадаагүй.

   Би одоогоор Төгс Хүчит Бурханыг хэдэн жил дагаад байна. Эргээд бодоход, сүнс маань Сатаны хоронд идэгдсэн байж. Би олон жил Сатаны ноёрхол дор амьдарч, сүйтгэгдэж, мунхарч явжээ. Би амьдралын үнэ цэнэ, утга учрыг мэддэггүй байсан. Би гэрлийг харж чадаагүй, жинхэнэ аз жаргал, баяр хөөрийг ч олж авч чадаагүй. Би золгүй байдлын гүн ангалд живж өөрийгөө мулталж авч чадахгүй байв. Бурханы гэсгээлт, шүүлтэнд байн байн орсноор би одоо Сатаны хор хөнөөлөөс ангижирч чөлөөлөлт, эрх чөлөөг олж авч чадсан. Би ухамсар, учир шалтгаанаа сэргээж, гэрэлтэй, үнэн зөв амьдралын зам руу Бурханыг даган итгэлийн мөрийг хөөх зөв зорилготой болсон. Бурханы цээрлүүлэлт, шүүлтээр дамжин би Түүний амь биеэ хайрладаггүй, чин сэтгэлийн хайрыг үнэхээр биеэрээ туулан мэдэрч, ерөөлийг таашаан баярлаж, хүний ертөнц таашаан баясаж үл чадах тийм хайрыг хүлээн авсан. Зөвхөн Бурхан л хүнийг зовлон зүдгүүрийн тэнгисээс аварч, хүн төрөлхтнийг дотор нь байгаа сатанлаг хорноос цэвэрлэж, үнэн зөв хүний адилаар амьдарч амьдралын зөв замаар алхах боломжтой болгож чадна. Бурханы гэсгээлт, шүүлт бол гэрэл юм. Энэ бол хамгийн агуу нигүүлсэл, хамгийн сайн хамгаалалт, хүнд Бурханы шагнасан амьдралын хамгийн үнэ цэнэтэй эд баялаг билээ. Төгс Хүчит Бурханы үгэнд хэлсэнчлэн: “… Бурханы гэсгээлт болон шүүлт нь хүний хамгийн сайн хамгаалалт, хамгийн агуу энэрэл нигүүлсэл гэж Петр итгэсэн. Зөвхөн Бурханы гэсгээлт болон шүүлтээр дамжуулан, хүн сэрж чадах ба бие махбодыг үзэн ядаж, Сатаныг үзэн ядах болно. Бурханы хатуу чанд сахилга бат нь хүнийг Сатаны нөлөөллөөс чөлөөлдөг, энэ нь түүнийг өөрийнх нь жижигхэн ертөнцөөс чөлөөлдөг ба Бурханы гэрэл дор амьдрах боломжийг түүнд олгодог. Гэсгээлт ба шүүлтээс илүү дээр аврал гэж үгүй!” (Үг нь махбодоор илэрсэн номын “Петрийн туршлага: гэсгээлт, шүүлтийн талаарх түүний мэдлэг”-ээс). Намайг аварч, дахин төрөх боломжийг надад олгосны төлөө Бурханы гэсгээлт, шүүлтэд баярлалаа! Бурханд итгэх ирээдүйн замдаа би үнэний мөрийг мөшгихийн тулд маш их хичээл зүтгэл гаргаж, Бурханы илүү их гэсгээлтийг хүлээн авч ариусгалд хүрэхийн тулд Сатаны хорноос бүрмөсөн ангижирч, Бурханы тухай үнэн зөв мэдлэгтэй болж Бурханыг чин сэтгэлээсээ хайрладаг хүн болно. Бүх алдар цуу Бурханд байг. Амен!